rKTs

e-texts navigator

Volume

Page

260a₁ ma mchis pa ste/ gang rnam par rig pa ma mchis pa de ni ting nge 'dzin te/ bcom ldan 'das de ltar na ting nge 'dzin 'di ni rnam par rig pa ma mchis pa lags so/ /bcom ldan 'das gzhan yang ting nge 'dzin gang dang gang bstan pa de dang de'i chos de dang de dag de na ma mchis la/ gang
260a₂ gzhan yang ma mchis pa de dag ni ngo bo nyid kyis stong ste/ gang dag ngo bo nyid kyis stong pa de ni ting nge 'dzin lags so/ /gang ting nge 'dzin de ni mnyam pa nyid lags la chos de dag kyang mnyam pa nyid lags te/ chos de dag ni nges par byung ba ma lags pas/ bcom ldan 'das de ltar na
260a₃ ting nge 'dzin 'di ni brjod par bgyi ba ma lags so/ /de nas gnas brtan sha ra dwa ti'i bus gzhon nu pad ma dpal gyi snying po la 'di skad ces smras so/ /pad ma dpal gyi snying po khyod ting nge 'dzin 'di la 'dod pa med dam/ smras pa/ btsun pa shA ri'i bu kho bo ni ting nge 'dzin 'di la 'dod pa
260a₄ ma mchis so/ /de ci'i phyir zhe na/ btsun pa shA ri'i bu gal te chos 'di dag la bdag cig kho bos yang dag par rjes su mthong na ni chos de dag la kho bo 'dod par yang 'gyur ro/ /smras pa/ pad ma dpal gyi snying po khyod kyis sangs rgyas kyi chos rnams la de yang dag par rjes su ma
260a₅ mthong ngam/ /smras pa/ btsun pa shA ri'i bu gal te sangs rgyas kyi chos rnams la bdag cig kho bos yang dag par rjes su mthong ba de ltar gyur na ni sangs rgyas kyi chos rnams bdag gis 'dus byas par yang 'gyur ro/ /smras pa/ pad ma dpal gyi snying po khyod kyis ci sangs rgyas kyi
260a₆ chos rnams yang dag par rjes su mthong ngam/ smras pa/ btsun pa shA ri'i bu gal te sangs rgyas kyi chos rnams yang dag par rjes su mthong na ni sangs rgyas kyi chos de dag dngos por byas par yang 'gyur na/ btsun pa shA ri'i bu chos thams cad ni dngos po med pa'i phyir ro/ /btsun pa shA
260a₇ ri'i bu gal te sangs rgyas kyi chos rnams yod par gyur na sangs rgyas kyi chos las gzhan par yongs su rtogs par yang 'gyur la/ sangs rgyas kyi chos rnams sems dang bcas par yang 'gyur ro/ /de nas bcom ldan 'das kyis de'i tshe gzhon nu pad ma dpal gyi snying po la legs so

_{iiif viewer powered by OpenSeadragon}

259b - 260b

Texts on this page