rKTs

e-texts navigator

Volume

Page

259b₁ lags te/ de ci'i slad du zhe na/ bcom ldan 'das gang rnam par dben pa nyid de ni ting nge 'dzin lags so/ /bcom ldan 'das gzhan yang ting nge 'dzin 'di ni bsam gyis mi khyab pa lags te/ de ci'i slad du zhe na/ sems kyi yul las yang dag par 'das pa'i slad du'o/ /ting nge 'dzin
259b₂ 'di ni bsam gyis mi khyab pa lags so/ /bcom ldan 'das gzhan yang ting nge 'dzin 'di ni chos gang la yang mi sems pas bsam gyis mi khyab pa nyid de/ de ci'i slad du zhe na/ bcom ldan 'das bsam gyis mi khyab pas sems ma mchis pa lags te/ gang ma mchis pa de ni ting nge
259b₃ 'dzin lags so/ /bcom ldan 'das sems ni sems ma mchis pa lags te/ de yang ting nge 'dzin lags so/ /bcom ldan 'das gzhan yang ting nge 'dzin 'di ni gang mtshan ma de dag la mi gnas pa ste/ gang mi gnas pa de ni ting nge 'dzin lags so/ /bcom ldan 'das gzhan yang
259b₄ ting nge 'dzin 'di ni nyams pa yongs su ma rdzogs pa'i tshul gyis thob pa med pa ste/ bcom ldan 'das gang yongs su ma rdzogs pa de ni ting nge 'dzin lags so/ /bcom ldan 'das gzhan yang ting nge 'dzin 'di ni nyams pa ste/ sangs rgyas kyi yul ji tsam pa de tsam du 'di ni ting nge 'dzin
259b₅ lags so/ /bcom ldan 'das sangs rgyas kyi yul zhes bgyi ba yul ma mchis pa ste/ gang yul ma mchis pa de ni ting nge 'dzin lags so/ /bcom ldan 'das gzhan yang ting nge 'dzin 'di ni ma bstan pa lags te/ de ci'i slad du zhe na/ bcom ldan 'das gang gzhan la tha snyad
259b₆ brjod la/ tha snyad brjod pa'i chos de dang de dag ni chos de la ma mchis te/ gang ma mchis pa de ni ting nge 'dzin lags so/ /bcom ldan 'das gzhan yang ting nge 'dzin 'di ni yi ge ma mchis pa ste/ de ci'i slad du zhe na/ bcom ldan 'das 'di ltar yi ge de dag ni ma mchis pa lags la/
259b₇ gang ma mchis pa de ni ting nge 'dzin lags so/ /bcom ldan 'das gzhan yang ting nge 'dzin 'di ni brjod pa ma mchis pa ste/ gang brjod pa ma mchis pa de ni brjod pa ste/ de ltar na ting nge 'dzin 'di ni brjod pa ma mchis pa lags so/ /bcom ldan 'das ting nge 'dzin 'di ni rnam par rig pa

_{iiif viewer powered by OpenSeadragon}

259a - 260a

Texts on this page