rKTs

e-texts navigator

Volume

Page

257a₁ bdag phyogs bcu'i 'jig rten na gang dag sangs rgyas bcom ldan 'das de dag bzhugs te 'tsho zhing gzhes pa de dag thams cad dang / bcom ldan 'das dang lhan cig tu de bzhin gshegs pa bgro ba'i chos kyi rnam grangs 'di bgro ba mdzad do/ /de skad ces bka' stsal pa dang /
257a₂ khyim bdag ded dpon bzang pos bcom ldan 'das la 'di skad ces gsol to/ /bcom ldan 'das ting nge 'dzin gang la gnas nas de bzhin gshegs pa dgra bcom pa yang dag par rdzogs pa'i sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas de
257a₃ dag dang thabs cig tu de bzhin gshegs pa bgro ba'i chos kyi rnam grangs 'di bgro ba mdzad lags/ bka' stsal pa/ khyim bdag chos kyi dbyings nges par byung ba zhes bya ba'i ting nge 'dzin yod pa gang la gnas nas sangs rgyas bcom ldan 'das de dag dang / chos kyi rnam grangs 'di bgro ba mdzad
257a₄ do/ /gsol pa/ bcom ldan 'das ci'i slad du chos kyi dbyings nges par byung ba zhes bya ba'i ting nge 'dzin ces brjod lags/ bka' stsal pa/ khyim bdag ji tsam du chos thams cad ni chos kyi dbyings yin yang chos kyi dbyings su yang dag par rjes su mi mthong ngo / /khyim bdag nga ting
257a₅ nge 'dzin 'di la gnas nas chos kyi dbyings yang dag par rjes su mi mthong ngo / /khyim bdag nga ting nge 'dzin 'di la gnas nas chos kyi dbyings la ni chos 'ga' yang yang dag par rjes su mi mthong ngo / /khyim bdag nga ting nge 'dzin 'di la gnas nas chos kyi dbyings la gzugs yang dag
257a₆ par rjes su mi mthong ngo / /gzugs la yang chos kyi dbyings yang dag par rjes su mi mthong ngo / /gzugs la ma gtogs par yang chos kyi dbyings yang dag par rjes su mi mthong ngo / /chos kyi dbyings la ma gtogs par yang gzugs yang dag par rjes su mi mthong ngo / /khyim
257a₇ bdag nga ting nge 'dzin 'di la gnas nas de bzhin du chos kyi dbyings la tshor ba dang / 'du shes dang / 'du byed rnams dang / rnam par shes pa dag yang dag par rjes su mi mthong ngo / /rnam par shes pa la yang chos kyi dbyings yang dag par rjes su mi mthong ngo / /rnam par shes pa

_{iiif viewer powered by OpenSeadragon}

256b - 257b

Texts on this page