rKTs

e-texts navigator

Volume

Page

187a₁ pa gang ji snyed pa dang / byang chub sems dpa' rnams kyi spobs pa gang ji snyed pa de dag thams cad de bzhin gshegs pa'i mthu las 'byung bar smon lam legs par btab pa yin/ 'jam dpal ngas ni byang chub tu yang smon lam legs par btab pa yin no/ /'di
187a₂ ltar mi blun po de dag ngan song du 'gro bar bdud kyis byin gyis brlabs pa'i phyir de la yang skyon 'dogs par sems so/ /de bzhin gshegs pas gnang ba'i chos smra ba de dag la yang skyon 'dogs par sems so/ /rnyed pa'i phyir khyim srung bar gnas pa yin gyi de bzhin gshegs
187a₃ pa'i bstan pa bsrung ba'i phyir gnas pa ma yin/ rigs la gdu bas bram ze dang khyim bdag rnams la smra ba ni 'di skad khyod kyis legs par smras so/ /khyod kyis de bzhin gshegs pa'i bka' legs par rtogs so zhes zer te phyogs kyi yang phyogs gcig smras pa
187a₄ la rjes su yi rang ba'i gzhis de dag chos spong bar gyur pas 'di lta ste/ ngan song chen por 'gro bar 'gro ba mtshungs par 'gyur ro/ /'jam dpal mngon par zhen pa la byang chub sems dpa'i spyod pa'o zhes nga mi smra'o/ /khyim la chags pa'i 'tsho ba rnam par dag pa
187a₅ zhes nga mi smra'o/ /gnyis su ston pa rnams chos kyis phongs par 'gyur ba las grol bar nga mi smra'o/ /gcig tu ston pa rnams ngan song las grol bar nga mi smra'o/ /smra ba la dga' ba rnams yongs su dag pa'o zhes nga mi smra'o/ /'jam dpal ngas ni gang gA'i klung
187a₆ gi bye ma ji snyed pa de snyed kyi chos kyi sgo rnams mi dmigs pa'i tshul gyis bstan to/ /'jam dpal gang gA'i klung gi bye ma ji snyed pa de snyed kyi chos kyi sgo rnams ngas dmigs pa'i tshul gyis ma bstan to/ /'jam dpal ngas ni stong pa nyid la mos pa rnams la gang
187a₇ gA'i klung gi bye ma ji snyed pa de snyed kyi chos kyi sgo rnams bstan to/ /ngas ni sems can du 'du shes pas de snyed du chos kyi sgo rnams bstan to/ /ngas ni mtshan ma med pa'i sgo nas de snyed kyi chos kyi sgo rnams bstan to/ /ngas ni rnam par rtog pa'i sgo nas de snyed kyi chos kyi sgo

_{iiif viewer powered by OpenSeadragon}

186b - 187b

Texts on this page