rKTs

e-texts navigator

Volume

Page

186a₁ gyis mi khyab/ de ltar de bzhin gshegs pa ni de bzhin gshegs pa'i chos rnams kyis mi mnyam pa dang mnyam na/ 'jam dpal de la skyes bu blun po de dag 'di skad du 'di lta ste/ byang chub sems dpa' rnams kyi de bzhin gshegs pa'i phyir spyod pa ni shes rab kyi pha rol tu phyin
186a₂ pa'o zhes zer ro/ /'jam dpal 'di lta ste byang chub sems dpa'i spyod pa ni dpag tu med pa'i spyod pa'o/ /'di lta ste byang chub sems dpa'i spyod pa ni mnyam pa med pa'i spyod pa'o/ /'di lta ste byang chub sems dpa'i spyod pa ni yongs su 'dzin pa med pa'i spyod pa'o/ /'di lta ste byang chub
186a₃ sems dpa'i spyod pa ni mi 'dor ba'i spyod pa'o/ /byang chub sems dpa'i spyod pa ni dam bcas pa la brtan zhing lhag pa'i bsam pa yongs su dag pa'i spyod pa'o/ /byang chub sems dpa'i spyod pa ni gzhan la phan gdags pas yongs su mi skyo ba'i spyod pa'o/ /'jam dpal byang chub
186a₄ sems dpa' rnams kyi spyod pa yongs su dag pa 'di lta bu ni nga'i chos yin na de'i tshe mthong dka' bar 'gyur ro/ /'jam dpal de lta bas na skyes bu dam pa nyi shu po khyed thams cad kyis ci nas kyang nga'i byang chub bskal pa grangs med pa bye bar yang dag par bsgrubs pa thabs mkhas
186a₅ pas bstan pa 'di gzhan gyis shes par 'gyur bar chos yang dag par blang ba la gnas te bag yod par bya'o/ /dam bcas pa la brtan par bya'o/ /khong khro ba med pa'i sems su bya'o/ /sems can dag 'di lta ste/ chos spong ba'i g.yang sa chen por mi ltung bar bya'o/ /de nas
186a₆ 'jam dpal gyis gsol pa/ bcom ldan 'das chos spong ba zhes bgyi ba gang lags/ bcom ldan 'das kyis bka' stsal pa/ 'jam dpal gang de bzhin gshegs pas gsungs pa'i bka' la la ni bzang bar 'du shes/ la la ni ngan par 'du shes pa de ni chos spong ba'o/ /gang
186a₇ chos spong ba des chos spangs pas de bzhin gshegs pa la skur pa 'debs pa yin/ dge 'dun la ngan du brjod pa yin no/ /'di ni rigs pa'o/ /'di ni mi rigs pa'o zhes zer na chos spong ba yin no/ /'di ni byang chub sems dpa' rnams kyi ched du gsungs pa'o/ /'di ni nyan thos rnams

_{iiif viewer powered by OpenSeadragon}

185b - 186b

Texts on this page