rKTs

e-texts navigator

Volume

Page

183b₁ bsgrub pa snying por byed pa ma yin/ ngag gi las lhur len gyi nan tan las ring ba yin te/ phrag dog can du gyur pa/ chags par gnas pa/ nye du la gdu ba yin no/ /mi pham pa nga yang mgo byin pas dga' ba tsam du 'khor los sgyur ba'i rgyal srid thob pas ni ma yin na
183b₂ de la mi blun po zang zing la ser sna byed pa de dag gzhan gyi khyim rnams su dong nas 'di skad du byang chub tu ni 'di ltar spyad do/ /'di ni byang chub sems dpa'i spyod pa ste 'di ni tshul lo/ /gzhan ni tshul ma yin no/ /chos kyi tshul 'di ni chos smra ba phal cher gyis kyang shes so
183b₃ zhes zer te de dag rnyed pa dang bkur sti'i phyir chos smra ba dag la kun nas mnar sems mang po 'byung ngo / /mi pham pa 'tsho ba can gyi mi de dag ni bskal pa brgyas kyang 'thun pa'i bzod pa thob par nga mi smra na byang chub lta smos kyang ci dgos te mi pham pa g.yo dang ldan pa la byang
183b₄ chub med do/ /phrag dog can la med do/ /rim gro med pa la med do/ /yang dag pa'i shes pa med pa la med do/ /khyim sun par byed pa la med do/ /gnyis su spyod pa la med do/ /mi pham pa mi blun po de dag ni nga bas kyang ches mkhas par khas 'che zhing nyan thos kyi chos
183b₅ sam/ rang sangs rgyas kyi chos gang yin pa'i chos de ni de bzhin gshegs pas gsungs pa ma yin no zhes zer ro/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor gnyis su med par spyod pa la shes rab kyi pha rol tu phyin pa
183b₆ yod mod/ gsol pa/ bcom ldan 'das de lta lags so/ /bka' stsal pa/ rab 'byor mi gnas pa la byang chub yod mod/ gsol pa/ bcom ldan 'das de lta lags so/ /bka' stsal pa/ rab 'byor spros pa med pa la byang chub yod mod/ gsol pa/ bcom ldan 'das
183b₇ de lta lags so/ /bka' stsal pa/ rab 'byor nye du la gdu ba'i phyir ngo tsha med pa de dag gis 'di lta ste dbul por 'gyur ba'i las kyi rnam par smin pa ji tsam yongs su gzung bar sems pa la ltos/ mi pham pa gzhan yang byang chub sems dpas chos thams cad

_{iiif viewer powered by OpenSeadragon}

183a - 184a

Texts on this page