rKTs

e-texts navigator

Volume

Page

183a₁ par go cha bgo dgos so/ /ji tsam du khong khro ba'i mig gis lta ba de srid du long ba'i skye mched thob par 'gyur ro/ /ji tsam du mi snyan par brjod pa de srid du lce'i skye mched med pa thob par 'gyur ro/ /mi pham pa ji ltar byang chub sems dpa' rnams la gnod pa'i
183a₂ sems bskyed pas byang chub sems dpa' ngan song du 'gro bar log par ltung bar 'gyur ba'i chos de lta bu gzhan ni ngas ma mthong ngo / /mi pham pa sems can gyi 'du shes dang chos kyi 'du shes la gnas pa rnams la ni las mngon par 'du bya ba yod de mi dmigs pa la ni med do/ /
183a₃ byang chub sems dpa' gang dag chos tha dad du 'byed cing ston pa de dag ni spros pa la gnas pa yin no/ /mi pham pa byang chub sems dpa' rnams kyi pha rol tu phyin pa drug yang dag par bsgrub pa 'di ni byang chub kyi phyir yin na/ de la yang mi blun po de dag 'di skad du shes rab
183a₄ kyi pha rol tu phyin pa kho na la byang chub sems dpas bslab par bya'o zhes zer zhing pha rol tu phyin pa lhag ma rnams la sun 'byin to/ /mi pham pa 'di ji snyam du sems/ ka shi ka'i rgyal po gang yin pas mgo byin par gyur pa de 'chal ba'i shes rab yin nam/ gsol pa/
183a₅ bcom ldan 'das de ni ma lags so/ /bka' stsal pa/ mi pham pa ngas pha rol tu phyin pa drug dang ldan pa'i mdo gang dag bstan pa de dag ci byang chub 'thob par 'gyur ba ma yin nam/ gsol pa/ bcom ldan 'das byang chub thob par 'gyur ba lags so/ /bka'
183a₆ stsal pa/ mi pham pa khyod kyis bskal pa drug cur sbyin pa'i pha rol tu phyin pa la spyad/ bskal pa drug cur tshul khrims kyi pha rol tu phyin pa la spyad/ bskal pa drug cur bzod pa'i pha rol tu phyin pa la spyad/ bskal pa drug cur brtson 'grus kyi pha rol tu phyin pa la spyad/
183a₇ bskal pa drug cur bsam gtan gyi pha rol tu phyin pa la spyad na/ de la mi blun po dag 'di skad du 'di lta ste/ mi dmigs pa'i tshul gcig pus byang chub 'thob po zhes zer te/ de dag ni spyod pa yongs su ma dag pa yin/ tshig tsam gyis dga' bar sems shing

_{iiif viewer powered by OpenSeadragon}

182b - 183b

Texts on this page