| e-texts navigator |
| བོད་ཡིག |
182b1 tshigs su bcad pa nyos pa ni rang gi lus yongs su btang ba dang / chung ma yongs su btang ba dang / bu dang bu mo yongs su btang ba dang / rgyal srid yongs su btang bas nyos shing / byams pa legs par bshad pa'i tshigs su bcad pa gcig gi phyir 'dzam bu'i
182b2 gling byin te nyos par ngas mngon par dran na/ de dag ni rnyed pa dang bkur sti srung zhing sangs rgyas dang 'dra ba'i gan du 'gro bar mi sems so/ /mi pham pa dam pa'i chos kyi tshul 'di gzung ba yang 'byor pa dang ldan pas nus kyi mi ldan pas ni ma yin no/ /mi pham pa ngas
182b3 mngon par rdzogs par sangs rgyas nas/ sangs rgyas kyi ye shes kyis chos gang bstan pa de la de dag 'di skad du de ni lung mnod par bya ba ma yin no zhes zer te/ sems can de dag 'byung ba ma yin pa'i nyes pa chen po ji tsam dang ldan pa la ltos/ mi pham pa dge slong
182b4 chos des rnam par 'thag pa'i mdo stong bstan te/ bsam gtan bzhi bskyed kyang de lta bu'i gnas su gyur na/ gang phyogs tsam 'am/ cha tsam la reg pa/ rnam par 'thag pa 'dzin pa'i dge slong rnams la mngon par mi dga' zhing rnam par 'thag pa la skyon 'dogs pa lta
182b5 ci smos te/ de dag ni chos smra ba'i dge slong la skur pa 'debs pa yin/ sangs rgyas kyi chos spong ba yin/ rlom sems chen pos skur pa 'debs pa yin te sems can dmyal bar skye ba de dag la ni legs par byas pa zhes nga mi smra'o/ /de ci'i phyir zhe na/ gang dag chos smra ba
182b6 la rnam par smod pa de dag ni sangs rgyas la rnam par smod pa yin/ chos la rnam par smod pa yin no/ /gang dag chos smra ba la rim gro med pa de dag ni sangs rgyas la rim gro med pa yin no/ /gang dag chos smra ba la mi snyan par brjod pa de dag ni sangs rgyas mthong bar mi 'dod pa yin/
182b7 sangs rgyas la mi snyan par brjod pa yin no/ /gang dag sems dang po bskyed pa'i byang chub sems dpa' la khong khro ba'i sems bskyed pa de dag gis ni sangs rgyas yongs su btang ba yin te ji snyed du khong khro ba'i sems skyed par byed pa de snyed kyi bskal par sems can dmyal bar gnas
iiif viewer powered by OpenSeadragon
Texts on this page
D227 - 'phags pa rnam par 'thag pa thams cad bsdus pa zhes bya ba theg pa chen po'i mdo