rKTs

e-texts navigator

Volume

Page

182a₁ mthong na sems kyis gzhan bsam par mi bya ste/ bdag cag gis mchod rten nam/ de bzhin gshegs pa mthong ngo / /bdag cag gis mdun na sangs rgyas bzhugs so snyam du bsam mo/ /rigs kyi bu dag gal te byang chub sems dpas byang chub
182a₂ sems dpa' mthong na mchod rten gyi 'du shes sam/ de bzhin gshegs pa'i 'du shes bskyed pa ma gtogs par 'du shes gzhan bskyed par mi bya'o/ /gzhan du gyur na byang chub sems dpas bdag nyid la rma phyung bar 'gyur ro/ /de la dgongs te de bzhin gshegs
182a₃ pa mi 'khrugs pas thugs dam bzhes pa/ gal te bdag gis sems dang po bskyed pa'i byang chub sems dpa' mthong ste sangs rgyas kyi 'du shes ma bskyed na ngas 'jig rten gyi khams dpag tu med pa rnams na gang dag bzhugs pa'i sangs rgyas bcom ldan 'das
182a₄ thams cad la bslus par gyur cig ces bya ba yin no/ /rigs kyi bu dag phyi ma'i tshe phyi ma'i dus lnga brgya tha ma la gang su dag gzungs thob pa'am/ ting nge 'dzin thob par 'gyur ba de dag thams cad ni de bzhin gshegs pa'i mthus thob par 'gyur te/ rigs kyi bu
182a₅ dag de lta bas na 'di la su chos smra ba la mi snyan par brjod pa des ni de bzhin gshegs pa spangs par 'gyur ro/ /rigs kyi bu dag gang su zhig sems can dag ji ltar mos pas mos pa bzhin du de bzhin gshegs pa'i chos ston pa de thams cad ni de bzhin gshegs pa'i
182a₆ mthu yin no/ /'khor gang du byang chub sems dpa'i theg pa pa dag lan 'ga' zhig spu zing zhes byed dam mchi ma lan 'ga' zhig klog pa de thams cad kyang de bzhin gshegs pa'i mthur shes par bya ba yin na/ de la mi blun po byang chub sems dpa' ma yin par byang
182a₇ chub sems dpar khas 'che ba/ byang chub sems dpa' sun 'byin par gyur pa/ chos rku ba/ tshul 'chos pa/ cho ga ngan pa la spyod pa de dag kha cig 'di skad ces 'di lta bu zhig ci shes zhes zer ro/ /byams pa ngas byang chub kyi phyir spyod pa na bdag nyid kyis gang

_{iiif viewer powered by OpenSeadragon}

181b - 182b

Texts on this page