rKTs

e-texts navigator

Volume

Page

181b₁ shes par dka' ste/ las de'i rnam par smin pas nga snyigs ma lnga'i dus na byang chub mngon par rdzogs par sangs rgyas so/ /mi pham pa byang chub sems dpa' gang dag gnyis su 'byed cing chos ston pa de dag ni las de'i rnam par smin pas dus kyi snyigs ma'i tshe byang chub
181b₂ mngon par rdzogs par 'tshang rgya bar 'gyur te/ de dag gi sangs rgyas kyi zhing der byang chub par bya ba dang chos bstan pa la bdud dang bar chad mang po 'byung bar 'gyur ro/ /de nas thams cad dang ldan pa'i 'khor de mchi ma blags te ngus nas tshig 'di skad ces deng phan cad dge
181b₃ slong chos kyis ji skad smras pa ltar su yang chos ston par ma gyur cig ces 'dzer to/ /de'i tshe byang chub sems dpa' sems dpa' chen po 'khor der 'dus pa dag kyang stan las langs te sa la 'khod do/ /sa la 'khod nas kyang ngus so/ /de nas bcom ldan 'das kyis mkhyen
181b₄ bzhin du byang chub sems dpa' de dag la 'di skad ces bka' stsal to/ /rigs kyi bu dag khyed ci'i phyir sa la 'khod cing ngu / de dag gis gsol pa/ bcom ldan 'das bdag cag ni las kyi sgrib pa de dang ldan par bdag cag nyid kyis mthong lags so/ /bcom ldan
181b₅ 'das kyis bka' stsal pa/ rigs kyi bu de de bzhin te/ de bzhin gshegs pa mar me mdzad yongs su mya ngan las 'das nas/ de'i gsung rab la shes rab brtsegs zhes bya ba chos smra ba zhig byung ba la khyed kyis smad de/ de phyin cad khyed kyis nam yang sangs
181b₆ rgyas ma mthong ngo / /nam yang byang chub kyi sems ma rnyed do/ /gzungs dang ting nge 'dzin ma rnyed do/ /rigs kyi bu dag khyed nga'i byang chub la yang dag par zhugs kyang bskal pa bzang po 'di la de bzhin gshegs pa gang dag 'byung ba'i tha ma pa'i tshe khyed mi skye ba'i chos
181b₇ la bzod pa thob par 'gyur ro/ /de phyin chad bskal pa grangs med pa gsum gyi sa bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rigs kyi bu dag de bas na byang chub sems dpa' de dag gis byang chub sems dpa'

_{iiif viewer powered by OpenSeadragon}

181a - 182a

Texts on this page