rKTs

e-texts navigator

Volume

Page

181a₁ do/ /de ni shes pa ma yin te byis pa'o/ /nga ni tshangs par spyad nas yun ring ba yin gyi de ni gsar bu ste/ bsnyen par rdzogs nas ring por ma lon pa yin gyis de ltar yid ches par ma byed cig ces zer ro/ /dge slong de ni bag yod pa yin te/ dge slong 'tsho ba
181a₂ yongs su dag pa de la skye bo de dag rab tu dad pas de ltar des skye bo de dag la dbyen byas na dbye bar ma nus so/ /de nas dge slong chos de 'chi ba'i dus byas par gyur te 'chi ba'i dus byas nas 'di ltar de bzhin gshegs pa la skur pa btab pa dang / 'di ltar chos spangs pas bskal
181a₃ pa bdun cur sems can dmyal bar skyes so/ /de bskal pa bdun cu po de dag 'das nas bskal pa drug cur byang chub kyi sems brjed do/ /bskal pa drug cu po de dag 'das nas de bzhin gshegs pa kun nas spos rin po che'i 'od kyi gsung rab la de bzhin gshegs pa des byang
181a₄ chub tu sems bskyed du bcug nas des byang chub tu sems bskyed do/ /tshe rabs dgu khrir dud 'gro'i skye gnas su skyes so/ /tshe rabs drug khrir mi dbul po rnams kyi nang du skyes te thams cad du yang lce med par gyur to/ /dge slong 'tsho ba yongs su dag pa de sangs rgyas khrag
181a₅ khrig phrag lnga'i gan na chos smra bar gyur te/ thams cad du yang mngon par shes pa lnga dang ldan par gyur to/ /sangs rgyas bcom ldan 'das de dag gis bod par 'os par gyur to/ /chos thams cad la yongs su dag par chos ston par yang gyur to/ /mi pham pa de'i tshe de'i
181a₆ dus na dge slong 'tsho ba yongs su dag pa zhes bya bar gyur pa de gzhan zhig yin pa snyam du khyod sems na khyod kyis de ltar mi blta ste/ de bzhin gshegs pa 'od dpag med ces bya ba de'i tshe de'i dus na dge slong chos smra ba 'tsho ba yongs su dag pa zhes bya bar gyur to/ /mi pham pa de'i tshe
181a₇ de'i dus na dge slong chos zhes bya ba de gzhan zhig yin pa snyam du khyod sems na khyod kyis de ltar mi blta ste/ nga de'i tshe de'i dus na dge slong chos zhes bya bar gyur to nga nyid las de lta bu'i mi tshul ba byung ngo / /mi pham pa chos kyis phongs par 'gyur ba'i las kyi sgrib pa ni de ltar

_{iiif viewer powered by OpenSeadragon}

180b - 181b

Texts on this page