rKTs

e-texts navigator

Volume

Page

180a₁ du smra ba/ thos pa nyung ba de dag nga'i byang chub gnyis kyis rab tu phye ba ma yin pa 'di la gnyis su smra ste/ 'di la ni byang chub sems dpas bslab par bya/ 'di la ni byang chub sems dpas bslab par mi bya'o zhes zer te/ sems des de bzhin gshegs
180a₂ pa la skur pa 'debs so/ /chos spong ngo / /dge 'dun la smod do/ /de dag lus zhig ste/ shi nas sems can dmyal ba rnams su skye bar 'gyur te/ de dag der bskal pa mang po dang / bskal pa brgya phrag mang po 'das nas thar pa 'thob ste/ yang de dag dbul
180a₃ po'i rigs su skye bar 'gyur ro/ /gang gi tshe brgya lam brgya lam na byang chub tu lung bstan pa 'thob par 'gyur na/ yang snyigs ma lnga'i dus na lung bstan pa thob par 'gyur te/ dper na da ltar nga yun ring po 'gyangs pas dus kyi snyigs ma'i tshe byang chub mngon par rdzogs par sangs
180a₄ rgyas pa lta bu'o/ /gang dag de dag gi ltar nyan pa'am/ byed pa'am/ yid ches par sems pa de dag kyang 'di lta ste/ sdig pa'i grogs po la mos pas 'gro ba de lta bu nyid du 'gro bar 'gyur ro/ /mi pham pa sngon byung ba 'das pa'i dus bskal pa grangs med pa'i yang ches
180a₅ grangs med pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i 'od 'phro las byung ba'i grags pa zhes bya ba 'jig rten du byung ste/ des lo khrag khrig phrag brgyad cur sems can rnams la chos bstan to/ /de'i gsung
180a₆ rab la dge slong 'tsho ba yongs su dag pa zhes bya ba/ chos smra ba/ gtam sna tshogs smra ba/ skye bo mang po la yang dag par ston pa/ skye bo mang po la yang dag par 'dzin du 'jug pa/ skye bo mang po la yang dag par gzengs bstod pa/ skye bo mang po la yang dag par dga' bar
180a₇ byed pa byung nas/ de la de bzhin gshegs pa dri ma med pa'i 'od 'phro las byung ba'i grags pa des phyi ma'i tshe phyi ma'i dus na dam pa'i chos bsdu bar bcol te/ des de bzhin gshegs pa de yongs su mya ngan las 'das pa'i 'og tu lo bye bar dam pa'i chos kyi tshul bzung ste/

_{iiif viewer powered by OpenSeadragon}

179b - 180b

Texts on this page