| e-texts navigator |
| བོད་ཡིག |
178b1 ces gsol to/ /bcom ldan 'das rnam par 'thag pa thams cad bsdus pa zhes bgyi ba'i chos kyi rnam grangs 'di sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis sngon gsungs na de skye bo mang po la sman pa dang / skye bo mang po la bde
178b2 ba dang / de bzhin gshegs pa'i bstan pa 'di yang yun ring du gnas par 'gyur ba'i slad du bcom ldan 'das kyis kyang bstan du gsol zhes gsol nas/ bcom ldan 'das kyis lha'i bu dbang phyug chen po la cang mi gsung bas gnang bar mdzad do/ /de nas lha'i bu dbang phyug chen
178b3 pos bcom ldan 'das kyis cang mi gsung bas gnang bar rig nas phyogs gcig tu 'dug go/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ mi pham pa 'das pa'i dus kyi de bzhin gshegs pa
178b4 dgra bcom pa yang dag par rdzogs pa'i sangs rgyas gang rnam par 'thag pa thams cad bsdus pa'i mdo'i chos kyi rnam grangs 'di ma gsungs pa de mi bzhugs so/ /ma 'ongs pa'i dus na de bzhin gshegs pa 'byung ba gang chos kyi rnam grangs 'di gsung bar mi 'gyur ba gang
178b5 yang mi 'byung ngo / /de ci'i phyir zhe na/ gang zhig chos 'di la sbyang ba ma byas par chos ston pa de ni de bzhin gshegs pa la skur pa 'debs pa yin/ chos spong ba yin/ dge 'dun la smod pa yin no/ /su dkon mchog gsum la log par zhugs pa de ni ngas ngan song
178b6 ba sems can dmyal ba par gsungs so/ /byams pa de lta bas na rigs kyi bu'am rigs kyi bu mo byang chub la yang dag par zhugs pa gang dag bdag la 'khrul pa med par 'dod pa de dag gis chos kyi rnam grangs 'di rtogs par khong du chud par byas la de nas gdod chos
178b7 bstan par bya'o/ /byams pa phyi ma'i dus na dam pa'i chos bsdu ba 'di khyod kyi las yin gyis soms shig /byang chub sems dpa' sems dpa' chen po byams pas bcom ldan 'das de bzhin no zhes gsol to/ /bcom ldan 'das kyi ltar nyan to/ /de nas yang
iiif viewer powered by OpenSeadragon
Texts on this page
D227 - 'phags pa rnam par 'thag pa thams cad bsdus pa zhes bya ba theg pa chen po'i mdo