| e-texts navigator |
| བོད་ཡིག |
177b1 bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te thal mo sbyar nas/ bcom ldan 'das la phyag 'tshal zhing phyogs gcig tu 'khod par gyur to/ /stong gsum gyi stong chen po'i 'jig rten gyi khams 'di na gnas gtsang
177b2 ma'i ris kyi lha'i bu rnams dang / lha'i bu dbang phyug rnams dang / dbang phyug chen po rnams dang / lha'i dbang po rnams dang / klu'i dbang po rnams dang / gnod sbyin gyi dbang po rnams dang / lha ma yin gyi dbang po rnams dang / nam mkha' lding gi dbang po rnams dang /
177b3 mi 'am ci'i dbang po rnams dang / lto 'phye chen po'i dbang po rnams ji snyed pa de dag thams cad g.yog 'khor bye ba brgya stong phrag du ma dang / bcom ldan 'das ga la ba der dong ste phyin pa dang / bcom ldan 'das kyi zhabs la mgo bos phyag 'tshal te/ thal mo sbyar
177b4 nas bcom ldan 'das la phyag 'tshal zhing phyogs gcig tu 'khod par gyur to/ /phyogs bcu'i 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po dbang che ba/ dbang che bar grags pa ji snyed pa de dag kyang / bcom
177b5 ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ thal mo sbyar nas bcom ldan 'das la phyag 'tshal zhing phyogs gcig tu 'khod par gyur to/ /de'i tshe stong gsum gyi stong chen po'i 'jig rten gyi khams 'di
177b6 srid pa'i rtse mo man chad/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dbang che ba/ dbang che bar grags pa dag gis gang bar ma gyur pa ni/ tha na 'khar ba'i rtse mo gzugs
177b7 pa'i phyogs tsam yang med do/ /de nas bcom ldan 'das dgongs shing mkhyen bzhin du ting nge 'dzin de las bzhengs te/ bzhengs nas kyang 'khor la lan gsum gzigs so/ /'khor la gzigs nas kyang seng ge'i bsgyings pa chen po lan gsum mdzad do/ /bsgyings
iiif viewer powered by OpenSeadragon
Texts on this page
D227 - 'phags pa rnam par 'thag pa thams cad bsdus pa zhes bya ba theg pa chen po'i mdo