rKTs

e-texts navigator

Volume

Page

176a₁ dmigs lags na de dang yongs su spyod pa lta ga la mchis te/ 'di ltar mi de ni phongs shing dub pa'i skal ba can du 'gyur lags so/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis
176a₂ gzugs rnams mthong na yid bde bar 'gyur ba'i gzugs rnams la mngon par zhen te/ mngon par zhen par gyur nas rjes su chags par 'gyur ro/ /rjes su chags nas kun tu chags par 'gyur ro/ /kun tu chags nas 'dod chags las byung ba dang / zhe sdang
176a₃ las byung ba dang / gti mug las byung ba'i las lus dang / ngag dang / yid kyis mngon par 'du byed de/ las de mngon par 'dus byas par gyur nas 'gag go/ /'gag pa ni shar phyogs su brten te gnas pa ma yin/ lho phyogs su ma yin/ nub phyogs
176a₄ su ma yin/ byang phyogs su ma yin/ steng du ma yin/ 'og tu ma yin/ phyogs mtshams rnams su brten te gnas pa ma yin no/ /dus gzhan ji tsam zhig na 'chi ba'i dus dang tshod nye bar gnas pa'i tshe de dang / skal ba 'dra ba'i las zad nas rnam par shes pa tha ma
176a₅ 'gag pa'i tshe 'di lta ste/ dper na nyal nyal ba las sad pa'i mi'i yul gyi bud med bzang mo lta bur las de yid la mngon du 'gyur ro/ /rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dang po yang na ni lha'i nang du/
176a₆ yang na ni mi'i nang du/ yang na ni lha ma yin gyi nang du/ yang na ni sems can dmyal ba rnams su/ yang na ni dud 'gro rnams su/ yang na ni rnams su 'byung bar 'gyur ro/ /rgyal po chen po rnam par shes pa dang po de 'gags ma thag tu gang la rnam par smin
176a₇ pa myong bar 'gyur ba mngon pa de dang skal ba 'dra ba'i sems kyi rgyud 'byung ngo / /rgyal po chen po de la chos gang yang / 'jig rten 'di nas 'jig rten pha rol tu 'pho ba yang med la 'chi 'pho dang skye bar mngon pa yang yod de/ rgyal po chen po de la gang rnam par shes pa tha ma 'gag pa

_{iiif viewer powered by OpenSeadragon}

175b - 176b

Texts on this page