| e-texts navigator |
| བོད་ཡིག |
174a1 @##/ /rgya gar skad du/ A r+ya tri sha ra Na ga ma na nA ma ma hA yA na sU tra/ bod skad du/ 'phags pa gsum la skyabs su 'gro ba zhes bya ba theg pa chen po'i mdo/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan
174a2 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so/ /de nas de'i tshe tshe dang ldan pa sha ra dwa ti'i bu gcig pu dben par 'dug pa dang / sems kyis sems
174a3 kyi yongs su rtog pa 'di lta bu skyes so/ /ston pa ni bdag gi mngon sum du gyur na/ bde bar gshegs pa chos kyi rje'i spyan sngar bdag song la/ rigs kyi bu'am/ rigs kyi bu mo dad pa dang ldan pa gang la la sangs rgyas dang / chos dang / dge slong gi dge 'dun la
174a4 skyabs su song ba'i gang zag de'i bsod nams ji snyed cig sogs par 'gyur ba'i don de zhu bar bya'o snyam du sems so/ /de nas tshe dang ldan pa shA ri'i bu phye ma red kyi dus kyi tshe nang du yang dag 'jog las langs te/ bcom ldan 'das ga la ba der song ste phyin nas/ bcom ldan
174a5 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa shA ri'i bus 'di skad ces gsol to/ /btsun pa bdag gcig pu dben par mchis te/ nang du yang dag 'jog la mchis pa na sems
174a6 kyis sems kyi yongs su rtog pa 'di lta bu skyes te/ rigs kyi bu'am/ rigs kyi bu mo dad pa dang ldan pa gang la la sangs rgyas dang / chos dang / dge slong gi dge 'dun la skyabs su mchis pa'i gang zag de'i bsod nams ji snyed cig sogs par 'gyur snyam bgyid
174a7 lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo'i tshogs phal po
iiif viewer powered by OpenSeadragon
Texts on this page
D225 - 'phags pa gsum la skyabs su 'gro ba zhes bya ba theg pa chen po'i mdo