| e-texts navigator |
| བོད་ཡིག |
172b1 mug rnams ya ma brla yin pa'i phyir ro/ /kun dga' bo skad cig pa rnams ni spang bar bya ba ma yin te med pa'i phyir ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ji ltar de bzhin gshegs pa bltar ma mchis
172b2 pa lags/ ji ltar chos mnyan du ma mchis pa lags/ ji ltar dge 'dun bsnyen bkur bgyir ma mchis pa lags/ bcom ldan 'das kyis bka' stsal pa/ kun dga' bo de bzhin gshegs pa ni bstan du med pa ste/ de ni mig gis blta bar mi nus so/ /kun dga' bo
172b3 chos ni brjod du med pa ste/ de ni rna bas mnyan par mi nus so/ /kun dga' bo dge 'dun ni 'dus ma byas pa ste/ de ni lus sam/ ngag gam/ sems kyis bsnyen bkur byar mi nus so/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom
172b4 ldan 'das sangs rgyas bcom ldan 'das rnams kyi chos nyid 'di ltar rtogs par dka' ba ni ngo mtshar lags so/ /bcom ldan 'das kyis bka' stsal pa/ kun dga' bo de ni khyod ji skad zer ba de bzhin te/ rnam grangs 'dis na sangs rgyas bcom ldan 'das rnams kyi chos nyid
172b5 ni rtogs par dka'o/ /de ci'i phyir zhe na/ kun dga' bo nyon mongs pa thams cad las kyang sems yongs su sbyang dgos la/ chos gang las kyang bskyod par yang mi bya/ 'phags par yang mi bya ba'i phyir ro/ /kun dga' bo gang rnam grangs 'dis de bzhin gshegs pa rnams kyi chos
172b6 kyi tshul la 'jug cing mos par byed pa'i sems can de dag ni ngo mtshar du gyur pa yin par rig par bya'o/ /kun dga' bo rigs kyi bu'am/ rigs kyi bu mo gang dag nga'i bstan pa 'di la rab tu byung ba chos kyi rnam grangs 'di 'dzin pa'am/ kun chub par byed pa'am/ mos par byed
172b7 pa de dag gis ni yul 'khor gyi zas legs par zos so/ /de dag ni de bzhin gshegs pa'i bstan pa la legs par rab tu byung ngo / /de dag gis ni mi'i lus thob pa legs par thob bo/ /de dag gis ni bdud sdig can btul lo/ /de dag gis ni nga'o snyam pa'i nga rgyal nges
iiif viewer powered by OpenSeadragon
Texts on this page
D224 - 'phags pa lhag pa'i bsam pa brtan pa'i le'u zhes bya ba theg pa chen po'i mdo