rKTs

e-texts navigator

Volume

Page

170b₁ pa/ rigs kyi bu de bzhin du byis pa so so'i skye bo rtsod pas yang dag pa ma yin pa'i phyin ci log gis phyin ci log tu gyur pa/ ma rig pa'i mun pas mig kun nas g.yogs pa thams cad med bzhin du sgro btags pas 'khor ba'i 'jigs pas skrag nas 'khor ba las nges par 'byung
170b₂ ba yongs su tshol lo/ /de dag gis gang du 'jigs pa'i 'du shes bskyed pa'i 'khor ba de yang don dam par mi dmigs na de dag mya ngan las 'das pa ni 'jigs pa med pa'o zhes yongs su tshol bar byed do/ /dge ba'i bshes gnyen gyis yongs su zin pa yang dag par zhugs pa
170b₃ rnams ni 'khor ba de nyid mya ngan las 'das pa yin par yang dag pa ji lta ba bzhin du rab tu shes la/ chos thams cad kyi skye ba med pa yang rab tu shes te/ de ltar yang dag par zhugs pa de dag ni chos gang yang len par mi byed/ 'dor bar mi byed/ sel bar mi byed/ 'jog
170b₄ par mi byed do/ /chos kyi dbyings la gnas te g.yo ba med do/ /mi g.yo bas na gnas sgom par mi byed/ mi sgom pas na gnas med do/ /gnas med pas na g.yo ba med de/ 'di ni de bzhin gshegs pa rnams kyi chos kyi tshul g.yo ba med pa ste/ de la ni g.yo bar bya ba'am
170b₅ 'phags par bya ba'am/ dor bar bya ba'am blang bar bya ba'i chos ci yang mi dmigs so/ /de ci'i phyir zhe na/ chos kyi tshul ni nam mkha'i tshul nyid yin la/ nam mkha' la ni g.yo ba yang med/ 'phags pa yang med pa'i phyir ro/ /rigs kyi bu de ltar yang dag par zhugs pa shes
170b₆ pa dang ldan pa ni sems can thams cad kyis kyang shes pa'i yongs su shes pa de las bskyod cing bsgul bar mi nus so/ /de ci'i phyir zhe na/ 'di ltar des mi g.yo ba'i ye shes thob pa'i phyir ro/ /de nas tshe dang ldan pa shA ri'i bu stan las langs te/ bla gos phrag pa
170b₇ gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo gang dag chos kyi rnam grangs

_{iiif viewer powered by OpenSeadragon}

170a - 171a

Texts on this page