| e-texts navigator |
| བོད་ཡིག |
169a1 ston par mdzad do/ /rigs kyi bu dper na mo sham de rang gi brtags pas bu'i 'du shes des re bar byed la bu de ni mi skye ba'i chos can no/ /mi skye ba'i chos can yin pas na mi 'gag pa'i chos can no/ /mi 'gag pa'i chos can yin pas na rnam par rig byed ma yin
169a2 pa'i chos can no/ /rigs kyi bu de bzhin du gzugs thams cad ni gzugs kyi ngo bo nyid kyis mi skye ba'i chos can no/ /mi skye ba'i chos can yin pas na mi 'gag pa'i chos can no/ /mi 'gag pa'i chos can yin pas na rnam par rig byed ma yin pa'i chon can no/ /tshor ba
169a3 thams cad dang / 'du shes thams cad dang / 'du byed thams cad dang / rnam par shes pa thams cad kyang de dang 'dra ste/ rnam par shes pa'i ngo bo nyid kyis mi skye ba'i chos can no/ /mi skye ba'i chos can yin pas na mi 'gag pa'i chos can no/ /mi 'gag pa'i chos
169a4 can yin pas na rnam par rig byed ma yin pa'i chos can te/ chos kyi ngo bo nyid de ltar mi shes pa gang dag yin pa de dag ni yang dag par zhugs pa ma yin no/ /nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /chos
169a5 rnams de ltar shes pa gang dag yin pa de dag ni yang dag par zhugs pa yin te/ de dag ni lam la gnas pa yin no/ /de dag ni lam las mi g.yo ba yin no/ /de ci'i phyir zhe na/ de bzhin gshegs pa rnams kyi chos gnas pa ni chos kyi dbyings mi g.yo ba'i
169a6 tshul gyis mi g.yo ba yin pa'i phyir ro/ /rigs kyi bu de lta bas na/ rigs kyi bu'am/ rigs kyi bu mo de bzhin gshegs pa rnams kyi chos kyi tshul la 'jug par 'dod pas 'dod chags las g.yo bar mi bya'o/ /zhe sdang las g.yo bar mi bya'o/ /gti mug las
169a7 g.yo bar mi bya'o/ /nyon mongs pa thams cad las g.yo bar mi bya'o/ /mig dang / gzugs dang / mig gi rnam par shes pa las g.yo bar mi bya'o/ /de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa
iiif viewer powered by OpenSeadragon
Texts on this page
D224 - 'phags pa lhag pa'i bsam pa brtan pa'i le'u zhes bya ba theg pa chen po'i mdo