| e-texts navigator |
| བོད་ཡིག |
168b1 log par zhugs pa zhes bya'o/ /rigs kyi bu 'di lta ste dper na mo sham zhig yod la de dran pa nyams pas 'di ltar bdag ni bu mi 'dod par bya'o zhes dam 'cha' bar byed pa de la/ bud med la la zhig gis yid bsrung ba'i phyir shes shing rtogs bzhin du 'di skad ces/ khyod
168b2 kyi bu gzugs bzang zhing mdzes la blta na sdug pa zhig yod par 'gyur gyis/ 'di ltar dam mi bca' bar gsol zhes zer la/ de nas mo sham des bud med de'i tshig mnyan nas dran pa nyams pas bdag gi bu gzugs bzang zhing mdzes la blta na sdug pa zhig yod
168b3 par 'gyur ro snyam du re ba'i sems skyed par byed de/ sems 'khrul pa des 'du shes kyi rnam pa des sems yongs su mgu bar byed la/ bu ni skyes kyang ma skyes skye bar yang mi 'gyur ba de bzhin du rigs kyi bu de bzhin gshegs pa ni chos thams cad/ mo sham gyi bu dang
168b4 'dra bar mkhyen cing gzigs bzhin du 'jig rten gyi rjes su 'thun par bya ba'i phyir gnyis su ston te/ 'das pa'i dus na khyod ming 'di zhes bya bar gyur/ rigs ni 'di zhes bya/ rus ni 'di zhes bya/ kha dog ni 'di 'dra bar gyur/ zas ni 'di lta bu zhig za za/ yun
168b5 ni 'di srid cig tu gnas gnas/ bde ba dang sdug bsngal ni 'di lta bu zhig nyams su myong / tshe'i mtha' ni 'di srid cig tu gyur to/ /ma 'ongs pa'i dus na ni 'di lta bu zhig tu 'gyur te/ ming ni 'di skad ces bya bar 'gyur/ rigs ni 'di zhes bya/ rus ni 'di
168b6 zhes bya/ kha dog ni 'di 'dra bar 'gyur/ zas ni 'di lta bu zhig za bar 'gyur/ yun ni 'di srid cig tu gnas par 'gyur/ bde ba dang sdug bsngal ni 'di lta bu zhig nyams su myong bar 'gyur/ tshe'i mtha' ni 'di srid cig tu 'gyur ro/ /de bzhin du da ltar byung
168b7 ba'i dus na ming ni 'di zhes bya/ rigs ni 'di zhes bya/ rus ni 'di zhes bya/ kha dog ni 'di 'dra ba zhig /zas ni 'di lta bu zhig za/ yun ni 'di srid cig gnas/ bde ba dang sdug bsngal ba ni 'di lta bu zhig nyams su myong / tshe'i mtha' ni 'di srid cig thub po zhes
iiif viewer powered by OpenSeadragon
Texts on this page
D224 - 'phags pa lhag pa'i bsam pa brtan pa'i le'u zhes bya ba theg pa chen po'i mdo