| e-texts navigator |
| བོད་ཡིག |
164b1 stobs kyis kyang 'dod pa'i rtog pa bsal ma nus nas/ bcom ldan 'das kyis lha'i spyan rnam par dag pa mi'i las 'das pas byang chub sems dpa' lhag pa'i bsam pa brtan pa'i 'dod pa'i rtog pa dang ldan pa so sor rtog pa'i stobs kyis kyang 'dod pa'i rtog pa
164b2 bsal ma nus pa gzigs so/ /de nas bcom ldan 'das kyis byang chub sems dpa' lhag pa'i bsam pa brtan pa gdul bar bya ba'i dbang gi phyir byang chub sems dpa' lhag pa'i bsam pa brtan pa lam gang nas 'gro ba'i lam der tshong dpon gyi bu mo de ci 'dra ba de
164b3 'dra ba'i bu mo zhig sprul nas byang chub sems dpa' lhag pa'i bsam pa brtan pas sprul pa'i bu mo de mthong ngo / /mthong nas kyang 'di skad ces smras so/ /rigs kyi bu mo khyod gar 'gro/ /sprul pa'i bu mos smras pa/ khyod gar bzhud pa der bdag mchi'o/ /
164b4 de nas byang chub sems dpa' lhag pa'i bsam pa brtan pa 'jigs shing skrag nas bros so/ /bros nas ri bgrod dka' ba zhig tu song ngo / /sprul pa'i bu mo de yang ri bgrod dka' ba de nyid du song ngo / /de nas byang chub sems dpa' lhag pa'i bsam pa brtan pa
164b5 lus ngal chad de 'dug go/ /sprul pa'i bu mo de yang byang chub sems dpa' lhag pa'i bsam pa brtan pa'i mdun du 'dug go/ /'dug nas kyang tshigs su bcad pa 'di skad ces smras so/ /bdag ni sems kyis spang bar gyis/ /lus ni bros pas ci zhig bya/ /
164b6 brtan po lus ni bros pa yis/ /'dod chags spong bar mi 'gyur ro/ /de nas sprul pa'i bu mo des tshigs su bcad pa de skad ces smras nas ri bgrod dka' ba de las lhung ngo / /lhung nas de'i mgo yang logs shig tu song ngo / /lag pa yang logs shig /rkang pa yang
164b7 logs shig / yan lag dang nying lag rnams kyang logs shig tu song ste/ 'di lta ste dper na kha ba bcangs pa las rab tu dros shing rab tu zhu nas sa la thim pa de bzhin du sprul pa'i bu mo de/ de nyid du mi snang bar gyur to/ /de nas byang chub sems dpa' lhag
iiif viewer powered by OpenSeadragon
Texts on this page
D224 - 'phags pa lhag pa'i bsam pa brtan pa'i le'u zhes bya ba theg pa chen po'i mdo