| e-texts navigator |
| བོད་ཡིག |
139a1 dang / snying rje chen po dang / dga' ba chen po dang / btang snyoms chen po dang / spyi gtsug bltar mi mthong ba dang / gshegs pa don yod pa dang / sangs rgyas kyi spyan dang / sangs rgyas kyi ye shes dang / sangs rgyas kyi so so yang dag par rig pa dang / pha rol gyi sems shes pa dang /
139a2 lha'i bu mdor bsdu na gang dag gis de bzhin gshegs pa dang de bzhin gshegs pa zhes bya ba'i grangs su 'gro ba'i sangs rgyas kyi chos de lta bu gang dag yin pa de dag ni lha mo sgyu 'phrul las skyes pa ma yin te/ lha'i bu de ltar na de bzhin gshegs pa'i sangs rgyas kyi chos dpag tu
139a3 med pa gang dag gis de bzhin gshegs pa de bzhin gshegs pa zhes bya ba'i grangs su 'gro ba de lta bu de dag ni shes rab kyi pha rol tu phyin pa la spyad cing / shes rab kyi pha rol tu phyin pa la bslabs pas mngon par grub pa yin te/ lha'i bu khyod kyis rnam grangs 'dis kyang ci nas
139a4 de bzhin gshegs pa shes rab kyi pha rol tu phyin pa las skyes kyi/ lha mo sgyu 'phrul las ma yin pa de ltar rig par bya'o// //bam po gnyis pa/ de nas bcom ldan 'das la lha'i bu zla bas 'di skad ces gsol to/ /bcom ldan 'das gal te shes rab kyi pha rol tu phyin pa chos
139a5 gang gis kyang skyed pa ma lags/ bskrun pa ma lags/ 'gag par bgyid pa ma lags na/ bcom ldan 'das ji ltar shes rab kyi pha rol tu phyin pa de bzhin gshegs pa bskrun pa lags/ bka' stsal pa/ lha'i bu chos gang dag gis de bzhin gshegs pa de bzhin gshegs pa zhes bya ba'i grangs
139a6 su 'gro ba'i chos de dag ni skye ba yang med/ 'chi 'pho ba yang med/ 'byung ba yang med do/ /lha'i bu gang skye ba yang med/ 'chi 'pho ba yang med/ 'byung ba yang med pa de lta bu'i ye shes de skyed pa ni shes rab kyi pha rol tu phyin pa ste/ shes rab kyi pha rol tu phyin pa las ni gang skye ba med pa dang / 'chi 'pho med
139a7 pa dang / 'byung ba med pa'i de bzhin gshegs pa skyes so/ /lha'i bu gang la skye ba yang med/ 'chi 'pho ba yang med/ 'byung ba yang med pa de ni shes rab kyi pha rol tu phyin pa yod pa las yang dag par nges par 'byung ba yod mod kyi/ shes rab kyi pha rol tu phyin pa med pa las ni nges par 'byung ba med do/ /gsol pa/
iiif viewer powered by OpenSeadragon
Texts on this page
D223 - 'phags pa sum bcu rtsa gsum pa'i le'u zhes bya ba theg pa chen po'i mdo