| e-texts navigator |
| བོད་ཡིག |
126b1 nyung zad cig gis theg pa chen po la lhag pa'i bsam pa phun sum tshogs te gcig pu zla med par lha dang mi dang / lha ma yin rnams kyi nang du theg pa chen po'i mdo 'di 'dzin par 'gyur ro/ /de lta bas na thar pa'i rgyu bstan pa de nyid de'i sangs rgyas nyid du lung bstan pa dang / theg pa chen po
126b2 rnam par gtan la 'bebs pa'i dge slong du lung bstan pa yin no/ /de ni de nyid kyi slob mar gyur nas de nyid kyi ming 'dzin par 'gyur ro/ /de nas de lta bu dag byung nas lo lnga lon pa dang / de'i 'og tu phan pa ston pa'i dge ba'i mig nyam chung bar 'gyur ro/ /de rnams dus bdun gyi bar du
126b3 gyur nas bar skabs der byang chub sems dpa' dam pa de dag ma gtogs par skyes pa'am/ bud med kyang rung sems can phal pa 'ga' yang med do/ /de nas 'khor de thams cad kyis mgrin gcig tu yang tshigs su bcad pa 'di dag smras so/ /kye ma 'jig rten kun mthong dga'/ /brtan po dge
126b4 slong gzugs gyur nas/ /ring zhig bstan pa 'byin byed cing / /chos kyi rnga chen rdung bar 'gyur/ /de ni mya ngan yongs 'das nas/ /de 'og 'jig rten stongs par 'gyur/ /chos smra de ni 'das gyur nas/ /de 'dra gzhan ni 'ga' mi 'byung / /de 'dra'i dge slong rnyed dka' ste/ /rim gyis snang ba nyams par 'gyur/ /
126b5 'di ltar de ni lho phyogs su/ /'byung ba'i tha ma gcig yin no/ /dam pa'i chos de nub pa'i dus su chos smra ba de 'byung bar 'gyur ro/ /bcom ldan 'das kyis de skad ces bka' stsal pa dang / 'od srung dang dga' bo dang / bzang skyong la sogs pa 'khor mang po de dag thams cad dang / phyogs
126b6 bcu'i 'jig rten gyi khams nas 'dus pa'i byang chub sems dpa' de dag thams cad yi rangs te/ de dag byang chub thob par bya ba'i phyir/ de bzhin gshegs pa rtag pa nyid kyi chos 'dom par gyur to/ /'phags pa theg pa chen po'i mdo rnga bo che chen po zhes bya ba'i le'u
126b7 rdzogs so/ / //rgya gar gyi mkhan po bid+yA ka ra pra b+ha ba dang / lo tsA ba ban de dpal gyi lhun pos bsgyur/ zhu chen gyi lo tsa ba ban de dpal brtsegs kyis zhus te gtan la phab pa// //
iiif viewer powered by OpenSeadragon
Texts on this page
D222 - 'phags pa rnga bo che chen po'i le'u zhes bya ba theg pa chen po'i mdo