rKTs

e-texts navigator

Volume

Page

99a₁ 'jam dpal 'di la byang chub sems dpa' sems dpa' chen pos pad mo chen po zhes bya ba'i ting nge 'dzin la snyoms par zhugs nas sems can dmyal ba'i gnas yongs su gzung ba yang yongs su 'dzin te/ de lha'i bde ba gang yod pa de dag thams cad de na myong bar
99a₂ byed do/ /sems can de dag gis kyang de dmyal bas dmyal bar mthong ste/ de cha lugs des sems can dmyal ba pa'i sems can de dag dmyal ba dang bral bar gyur pa la chos 'chad do/ /de sems can stong phrag du ma sems can dmyal ba las rab tu thar bar byed do/ /'jam dpal de ltar
99a₃ na byang chub sems dpa' sems can dmyal ba'i gnas yongs su gzung ba yang yongs su 'dzin la mtho ris kyi chos kyang myong bar byed pa yin no/ /'jam dpal gyis gsol pa/ bcom ldan 'das ji ltar na byang chub sems dpa' dud 'gro'i gnas kyang yongs su 'dzin la mi'i chos rgya chen po
99a₄ yang myong bar bgyid pa lags/ bcom ldan 'das kyis bka' stsal pa/ 'jam dpal 'di la byang chub sems dpa' nye bar zhi ba la 'jug pa zhes bya ba'i ting nge 'dzin la snyoms par zhugs nas dud 'gro'i gnas yongs su 'dzin cing sems nyams pa med par mi'i chos rgya chen po myong bar byed
99a₅ do/ /de cha lugs des dud 'gror gyur pa'i sems can rnams la chos 'chad de/ de sems can stong phrag mang po chos la 'jog go/ /'jam dpal de ltar na byang chub sems dpa' dud 'gro'i gnas kyang yongs su 'dzin la mi'i chos rgya chen po yang myong bar byed pa yin no/ /'jam dpal
99a₆ gyis gsol pa/ bcom ldan 'das ji ltar na byang chub sems dpa' rigs dma' bar skye ba yongs su gzung ba yang yongs su 'dzin la 'khor los sgyur ba'i rgyal srid kyi bde ba yang myong bar bgyid pa lags/ bcom ldan 'das kyis bka' stsal pa/ 'jam dpal 'di la byang chub sems
99a₇ dpa' mngon par gnon cing rnam par gsal ba zhes bya ba'i ting nge 'dzin la snyoms par zhugs te/ de ting nge 'dzin de mngon par gnon pa dang / rnam par gsal bas rigs dma' bar skye ba yongs su gzung ba yang yongs su 'dzin la 'khor los sgyur ba'i rgyal srid kyi bde ba yang myong bar byed

_{iiif viewer powered by OpenSeadragon}

98b - 99b

Texts on this page