rKTs

e-texts navigator

Volume

Page

96b₁ nges pa'i yon tan 'phags/ /gang dag thab mo dag la'ang mi lta zhing / /brtson 'grus ldan min le lo can yang min/ /gang dag bzod pa'i 'du shes med pa de dag bde/ /gang dag bsam gtan byed cing brtan pa mi gnas pa/ /de yang g.yeng bar rnam par mi sems pa/ /mnyam
96b₂ par bzhag pa'i chos rnams rab tu shes/ /gang dag bsam gtan 'du shes med pa de dag bde/ /gang dag 'du shes med cing 'di la shes rab med/ /mi shes dbang du 'gro ba'ang ma yin la/ /mkhas pa'ang ma yin rmongs pa'ang yod ma yin/ /gang dag shes rab 'du shes med dag
96b₃ bde/ /ji ltar dgon pa de bzhin grong na gnas/ /gnyi gar 'du shes mtshungs shing mnyam par 'jug /grong gi spyod yul smod par mi byed cing / /gang dag dgon pas mi rlom de dag bde/ /gang dag bsod snyoms khyim dang bcas par spyod/ /de dag bsod snyoms de yi 'du shes med/ /
96b₄ bsod snyoms spyod pa bdag yin snyam mi sems/ /gang dag bsod snyoms 'du shes med dag bde/ /gang dag bor ba'i phyag dar khrod pa rnams/ /blangs nas bdag gis lus la 'chang bar byed/ /bdag ni gos ngan snyam du de mi sems/ /gang dag gzhan la mi smod de dag bde/ /sangs
96b₅ rgyas gnang zhing bde gshegs bsngags pa yi/ /chos gos gsum las lhag par mi 'chang zhing / /bdag ni 'jigs med yin par mi rtog pa/ /gang dag nga rgyal med pa de dag bde/ /gang na bdag med sems can yod min pa'i/ /gang dag chos mchog dam pa 'chad byed pa/ /
96b₆ bdag ni 'chad mkhan yin par sems pa'ang med/ /gang dag med par ma gyur de dag bde/ /dkar po kun la yang dag 'du shes med/ /snying po med pa rjes su 'du shes med/ /dkar dang gnag par gang dag mi sems pa/ /gang dag gnyis su mi spyod de dag bde/ /gang dag
96b₇ langs la langs par 'du shes med/ /'dug kyang 'dug par 'du shes yod ma yin/ /nyin mtshan phyad par 'chag cing brtson 'grus rtsom/ /gang dag spros pa med pa de dag bde/ /gang dag gnas min gnas par mi rtog cing / /khyad par shes pa zhi bar mi rtog la/ /de

_{iiif viewer powered by OpenSeadragon}

96a - 97a

Texts on this page