| e-texts navigator |
| བོད་ཡིག |
96a1 dran pa mngon du byas nas 'dug go/ /de der 'dug ma thag tu e ma'o de bzhin gshegs pa'i spyod pa rab tu zhi ba 'di dang / bde ba dang / yid bde ba 'di ngo mtshar to/ /sems can gang dag chos thams cad rang bzhin gyis mnyam par bzhag par rab tu shes
96a2 pa de dag ni bde ba dang ldan pa yin no snyam du sems la sems kyi rtog pa de lta bu skyes so/ /de nas bcom ldan 'das dgongs shing mkhyen bzhin du ting nge 'dzin de las bzhengs te mgur bsal ba'i sgra phyung ngo / /de nas tshe dang ldan pa sha ra dwa ti'i bus bcom ldan 'das kyi mgur bsal
96a3 ba'i sgra thos pa dang dga' mgu rangs par gyur nas/ bcom ldan 'das ga la ba der song ste phyin pa dang / bcom ldan 'das kyi spyan sngar 'dug ste/ bcom ldan 'das la phyag 'tshal nas ngo mtshar du gyur te/ /de'i tshe tshigs su bcad pa 'di dag smras so/ /stong pa'i chos la ji
96a4 ltar bdag bzod bzhin/ /gang dag sems can yang dag mi rtog cing / /chos la'ang nams kyang rtog par mi byed pa/ /'jig rten na ni de dag mnyam par bzhag /sems can 'khrul la nams kyang mi lta zhing / /chos rnams nam mkha' bzhin du bsams byas nas/ /gang dag sgyu
96a5 ma'i ngo bo nyid mos pa/ /gang dag bdag tu lta med de dag bde/ /'di dag sems can yin nam ma yin zhes/ /'du shes thams cad la ni mi dmigs pa/ /sems can kun la 'du shes med pa dang / /gang dag sems can lta med de dag bde/ /ril por 'du shes nams kyang
96a6 gang ma chags/ /nams kyang dngos po'i 'du shes rmongs pa med/ /ldang bar mi byed 'dug par byed pa'ang med/ /gang dag srog tu lta med de dag bde/ /sems can tha dad mi byed mkhas pa gang / /chos kyi dbyings dang 'gal bar mi 'gyur la/ /gang zag 'du shes thams
96a7 cad rnam par bshig / gang dag tha dad blo med de dag bde/ /gang dag sbyin dang tshul khrims rtag tu gnas/ /'jungs pa'i bsam par nams kyang ma gyur cing / /gong bu'i chos la'ang yang dag mi gnas pa/ /gang dag tshul khrims rlom med de dag bde/ /gang dag bzod dang
iiif viewer powered by OpenSeadragon
Texts on this page
D207 - glang po'i rtsal zhes bya ba theg pa chen po'i mdo