| e-texts navigator |
| བོད་ཡིག |
95b1 kak+Sh+ya nA ma ma hA yA na sU tra/ bod skad du/ glang po'i rtsal zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das bya rgod kyi phung po'i ri la dge slong lnga brgya tsam gyi dge slong
95b2 gi dge 'dun chen po dang / byang chub sems dpa' mngon par grags pas mngon par grags pa/ gzungs thob pa/ spobs pa thogs pa med pa/ gnyis su med pa'i chos 'chad pa/ rdzu 'phrul rnam par 'phrul pa bsam gyis mi khyab pa dang ldan pa drug khri dang yang thabs cig tu
95b3 bzhugs te/ 'di lta ste/ byang chub sems dpa' sems dpa' chen po brtson 'grus dpe med blo gros dang / mngon par gnon pa'i sgra sgrogs gzi brjid snying po dang / byang chub sems dpa' rin po che bzhi'i me tog rgyas pa dang / glog chen sgron ma dang / mtha' yas par lta zhing yul
95b4 thams cad las 'das pa dang / ri rab brtsegs pa ltar mngon par 'phags pa dang / mngon par dga' bas mgu ba skyed pa dang / dpung pa dri ma med pas 'od zer bcom pa dang / sems can gyi bsam pa nges pa'i don gyi pha rol du bgrod par dong ba dang / rdo rje lta bur brtan pa thob pa
95b5 dang / sgrar brjod pa dang / dbyangs dang nga ro thams cad las 'das pa dang / tshangs pa'i sgra gzi brjid mngon par 'phags pa dang / grags pa'i sgras 'jigs pa bcom pa dang / dge ba'i rtsa ba rin po che thams cad bsags pa dang / byang chub sems dpa' sems dpa'
95b6 chen po 'jam dpal gzhon nur gyur pa dang / de la sogs pa byang chub sems dpa' drug khri rnams dang thabs cig go/ /de nas tshe dang ldan pa sha ra dwa ti'i bu phyi dro'i dus na/ nang du yang dag 'jog las langs te bcom ldan 'das ga la ba der song ngo / /yang de'i tshe bcom ldan 'das
95b7 shing gzhan zhig gi drung na rab tu zhi ba sgrub pa zhes bya ba'i ting nge 'dzin la mnyam par bzhag ste bzhugs so/ /de nas tshe dang ldan pa sha ra dwa ti'i bus rgyang ring po nas bcom ldan 'das spyod lam rab tu zhi ba mthong ba dang myur du rtswa bsdus nas phyogs gcig tu skyil mo krung bcas lus bsrang ste/
iiif viewer powered by OpenSeadragon
Texts on this page
D207 - glang po'i rtsal zhes bya ba theg pa chen po'i mdo