rKTs

e-texts navigator

Volume

Page

90b₁ rdzogs pa'i byang chub mngon par rdzogs par 'tshang rgya ba'o/ /shA ri'i bu de ci'i phyir dpag tu med pa zhes bya zhe na/ de bzhin gshegs pa la des mchod pa'i 'bras bu dpag tu med pa'i phyir te/ phan yon dpag tu med pa yin no/ /de nas de'i tshe bcom ldan 'das kyis 'di skad du/
90b₂ brtsam byos mngon par 'byung bar gyis/ /sangs rgyas bstan la brtson par byos/ /'dam bu'i khyim la glang chen bzhin/ /'chi bdag sde rnams gzhom par byos/ /zhes ched du brjod pa de ched du brjod pa mdzad do/ /de nas bcom ldan 'das kyis tshe dang ldan pa shA ri'i bu la bka'
90b₃ stsal pa/ shA ri'i bu chos lnga po 'di dag ni mchog tu rnyed par dka' ba ste/ lnga gang zhe na/ mir skye ba 'thob pa dang / de bzhin gshegs pa'i bstan pa la rab tu 'byung ba dang / de la mngon par dga' ba dang / tshul khrims yongs su rdzogs pa dang / zag pa zad pa ste/ shA ri'i
90b₄ bu chos lnga po de dag ni sems can thams cad kyis mchog tu rnyed par dka' ba yin te/ de dag ni khyed rnams kyis thob zin to/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pa gzhan yang 'di skad ces
90b₅ bka' stsal to/ /byang chub don phyir sems can phan 'dogs pas/ /bde gshegs mchod rten dbul ba 'dir phul bas/ /mkhas pa de yis byas pa'i las des ni/ /tshe rabs kun du khyad par can du 'gyur/ /'di nas shi 'phos lha mis bsngags pa yi/ /yang srid dam pa de ni
90b₆ 'thob par 'gyur/ /ri rab bzhin du de ni mi g.yo la/ /'od zer dag gis phyogs kun snang zhing mdzes/ /lha tshogs rnams kyis mthong nas gus dang bcas/ /mchog tu gus pas de la dga' ba skyed/ /stod pa byed cing de la mchod pa byed/ /yang dang yang du lta bas ngoms pa med/ /
90b₇ bsod nams mtshan byas de ni lhas mchod 'os/ /tshangs pa'i gnas na tshangs pa mdzes pa 'dra/ /ci yi las shig nges par des bsten na/ /gang gis de yi lus ni shin tu mdzes/ /'di na bsod nams mi 'dod su zhig yod/ /'phags pa'i tshul khrims mkhas pa su mi sten/ /thub pa

_{iiif viewer powered by OpenSeadragon}

90a - 91a

Texts on this page