| e-texts navigator |
| བོད་ཡིག |
205b1 ma rgan mo thar bar byas te sor mo'i phreng ba khyod kyis ma ma bsad cig / bsad pas mtho ris su mi 'gro'o zhes byas pa dang / ral gri thogs te 'ongs nas skad cig de nyid la de'i bar du 'dug pa ni chos la gzhug pa'i thabs so/ /de nas sor mo'i phreng ba'i ma ta la bdun tsam gyi
205b2 nam mkha' la 'dug nas tshigs su bcad pa 'di zhes smras so/ /de bzhin gshegs kyi sgyu ma sprul pa ni/ /sems can mang po dag gis mi shes te/ /sangs rgyas sgyu ma'i rgyal po'i sku che zhing / /de bzhin gshegs pa thabs kyi sku mnga'o/ /de 'di skad ces smras
205b3 nas/ de nyid du mi snang bar gyur to/ /de nas mdzod 'dzin gyi rgyal po gsal rgyal gyis bcom ldan 'das la 'di skad ces gsol to/ /bcom ldan 'das de ci sgyu ma lags sam/ bcom ldan 'das kyis bka' stsal pa/ rgyal po chen po ma 'di ni sprul pa yin no/ /sprul
205b4 pa'i mas ji ltar smras pa bzhin te/ byang chub sems dpa'i spyod pa sgyu ma yang de bzhin no/ /de nas sor mo'i phreng ba'i mkhan po nor bu bzang po zhes bya ba ta la bdun tsam gyi nam mkha' la 'dug nas tshig 'di zhes smras so/ /seng ge dang wa 'dre yun ring zhig tu mdza' bor byas
205b5 kyang / des seng ge'i nga ro'i sgra 'dzin par mi nus te/ wa 'dre yang thos pa tsam gyis mchi'o/ /yang ci wa 'dre de dom gyi skad du 'byin na/ seng ge'i rgyal po chen po sgra skad 'byin pa yin nam/ seng ge yang wa dang dom gyi sgra skad du'ang nga ro mi 'byin gyi/ seng ge'i sgrar sgrogs
205b6 so/ /de bzhin du wa 'dre lta bu bdag gis byang chub sems dpa' seng ge lta bu'i mkhan po byas te/ yun ring mo zhig tu lhan cig 'khod kyang byang chub sems dpa'i sgra skad 'dzin lta ga la nus te/ gal te 'di thabs ma yin na de'i rtsal gyis 'chi bar 'gyur te/ lta bu
205b7 bdag gi glen pa'i chos la spyod pa dang / nyan du gzhug pa lta ci smos/ byang chub sems dpa' ni glen pa'i chos mi spyod pa ste/ spyod pa yang thams cad la bu gcig pa lta bu'i byams par spyod pa'i sangs rgyas kyi sprul pa sgyu ma mang po ni sems can bye ba dang / bram ze'i mkhan
iiif viewer powered by OpenSeadragon
Texts on this page
D213 - 'phags pa sor mo'i phreng ba la phan pa zhes bya ba theg pa chen po'i mdo