| e-texts navigator |
| བོད་ཡིག |
203b1 skye bo thams cad dbugs dbyung ba'i phyir 'jigs pa med pa'i rnam pa zhes bya ba'i 'od zer btang ste/ sems can gang 'od zer des reg pa'i sems can de dag thams cad bde bar gyur te/ mdzod 'dzin gyi rgyal po gsal rgyal gyi btsun mo'i 'khor dang / bu dang / grong gi skye bo sems can
203b2 thams cad de bzhin gshegs pas sor mo'i phreng ba btul lo snyam ste thams cad der lhags so/ /de nas rgyal po gsal rgyal gyis bcom ldan 'das la 'di skad ces gsol to/ /kye ma 'o bcom ldan 'das ni mi 'dul zhing kha lo sgyur ba lha dang mir bcas pa rnams ston pas sdig pa'i chos
203b3 can 'di lta bu yang dam pa'i chos la bzhag pas na/ kye ma bcom ldan 'das ni 'jig rten thams cad la phan par mdzad pa'o/ /bcom ldan 'das kyis bka' stsal pa/ byang chub sems dpa' sems dpa' chen po brtan pas/ sngar bag med pa lta bur bstan la/ phyis bdag gi che ba
203b4 nyid kyang ston pas de 'jig rten na sprin las grol ba'i zla ba lta bur mdzes par gyur te/ sems can bye ba mang po bsgral nas/ de bzhin gshegs pa'i che ba nyid kyang ston to/ /rgyal po chen po sor mo'i phreng ba ni sdig can ma yin te/ thabs 'chang ba'i byang chub sems dpa' sems
203b5 dpa' chen po zhes bya'o/ /rgyal po chen pos gsol pa/ mkhan po'i mchis brang dang lhan cig tu las ngan pa spyod cing mkhan po'i dmod pa'i chos kyi 'drer gyur na ci'i slad du sdig par mi 'gyur/ bcom ldan 'das kyis bka' stsal pa/ sor mo'i phreng ba mkhan po'i chung ma dang
203b6 lhan cig tu las ngan pa spyod pa ma yin gyi/ mkhan po'i chung mas gzugs mthong nas sems gyur te/ sdig pa rab tu byed pa ltar mkhan po'i chos kyis rtse bar thams cad rtog par 'gyur ro/ /rgyal po chen po de'i phyir byang chub sems dpa' ni 'di lta ste dper na/ glang po
203b7 che brdeg pa ni bong bus mi bzod do/ /de bzhin du rgyal po chen po de bzhin gshegs pa mi mchog glang po che'i dgongs te gsungs pa'i gsang ba'i sos phog pa'ang nyan thos dang / rang sangs rgyas rnams kyis mi bzod do/ /de ltar na de bzhin gshegs pas dgongs te gsungs pa'i
iiif viewer powered by OpenSeadragon
Texts on this page
D213 - 'phags pa sor mo'i phreng ba la phan pa zhes bya ba theg pa chen po'i mdo