| e-texts navigator |
| བོད་ཡིག |
201a1 pa'i lhag ma lus te/ mtha' 'khor mi tshig pa de bzhin du 'jam dpal dang po nga skyes pa'i sa na nan tan lhur byed pa zhig ste/ tshig pa las lho phyogs kyi rgyud du lhag ma lus te/ mtha' 'khor na gnas pa'i sa der byang chub sems dpa' skyes nas dam
201a2 pa'i chos 'byin par 'gyur ba der rdzogs pa'i sangs rgyas snang bar grags pa yin no/ /de nas lha'i dbang po brgya byin sum cu rtsa gsum pa'i g.yog mang po dang bcas te/ de bzhin gshegs pa dgra bcom pa yang dag par rdzogs pa'i sangs rgyas kyi zhabs la mgo bos
201a3 phyag 'tshal nas/ lha'i mchod pa chen po byas te/ bcom ldan 'das la 'di skad ces gsol to/ /bcom ldan 'das bdag gis mdo sde 'di bsrung zhing rjes su gtad par bgyi'o/ /sems can thams cad la thugs brtse ba'i slad du/ de bzhin gshegs pas mdo
201a4 sde 'di'i ming bstan du gsol/ bcom ldan 'das kyis bka' stsal pa/ kau shi ka mdo sde 'di'i ming sor mo'i phreng ba la phan pa zhes bya bar zung shig /kau shi ka mdo sde 'di ni 'jig rten na shin tu rnyed par dka' ste/ u dum bA ra'i me tog bzhin no/ /de nas dbang
201a5 po'i bu thu bo mngon du khro zhes bya ba sdug pa dga' ba yid du 'ong ba des/ bcom ldan 'das kyi zhabs la mgo bos phyag 'tshal nas/ 'di skad ces gsol to/ /bcom ldan 'das ji ltar bdag gi pha nam lha ma yin dang 'thab pa'i tshe/ kha lo sgyur ba bsam 'dzin
201a6 zhes bgyi ba la/ lha rnams 'phel ba dang / lha ma yin bas par 'gyur ba de ltar shing rta drongs shig ces bgyis pa dang / lha gzhan du ma dgongs shig /bdag ni sngar gum ste/ khyod ni slad kyis so/ /grub kyang rung / ma grub kyang rung ste/ bdag gi
201a7 srog kyang bor/ gzhan dang mdza' ba'ang spangs nas go cha chen po bgos pa de bzhin du/ bcom ldan 'das bdag kyang ma mchis pa'i dus na/ dam pa'i chos lo brgyad cu'i bar du gnas par 'gyur ba de'i tshe/ bdag kyang byang chub sems dpa' gang de bzhin
iiif viewer powered by OpenSeadragon
Texts on this page
D213 - 'phags pa sor mo'i phreng ba la phan pa zhes bya ba theg pa chen po'i mdo