| e-texts navigator |
| བོད་ཡིག |
200b1 rgyal po'i srid chen po mi bzhed cing khur chen po thogs te/ stong gsum pa rnams bsgral lo zhes bskal pa bye ba mang por bsgral ba de bzhin du nga'i nyan thos thams cad kyang bskal pa bye ba mang por nga'i dam pa'i chos nub par 'gyur ba'i dus na/ nam dam pa'i chos lo brgyad cu'i
200b2 bar du gnas par 'gyur ba'i tshe/ dam pa'i chos kyi khur khyer bar mi 'dod do/ /yang 'jam dpal khyod lta bu'i dam pa'i chos lo brgyad cu'i bar du gnas par 'gyur ba'i tshe/ dam pa'i chos kyi khur chen po khyer te/ bdag gis dam pa'i chos phrag la bskur ro
200b3 snyam nas/ 'dzam bu'i gling dang / gling phran thams cad kyi sems can rnams la de bzhin gshegs pa'i snying po rtag pa ther zug zhi ba/ g.yung drung yin no zhes rang gi srog kyang btang ste rab tu bstan par bya'o/ /sems can rnams yid ches kyang rung / mi ches
200b4 kyang rung / nga'i lus bsad dam/ dum bur byas kyang rung / gdod bdag gi lus rtag pa'i skur 'gyur te/ khur khyer ba rab tu dka' ba byed pa'i byang chub sems dpa' rnams lho phyogs kyi rgyud nas 'byung ngo / /nga'i nyan thos de lta bu dang / khyod la sogs
200b5 pa sems can bye ba mang po yod de de'i phyir lho phyogs kyi rgyud rab tu bsngags so/ /nga'i chos tha ma der ston par 'gyur te/ byang chub sems dpa' de dag gi mthu dang / gzi brjid kyis 'dzam bu'i gling gi skye bo ma lus par 'dzem pa dang / 'jigs pa dang /
200b6 nga rgyal gyi rgyus nan tan du byed par 'gyur ro/ /'di lta ste dper na/ rgyal po dag rgyal po gzhan gyi khrims byas pa thos nas/ bdag nyid kyang skye dgu skyong ba de bzhin du kha che'i yul gyi 'khor dang / yul b+ha ru ka tsa ba rnams kyang ngo tsha ba dang / nga rgyal bskyed nas
200b7 theg pa chen pos 'jigs shing skrag pas gsangs te ston par 'gyur gyi/ de dag de bzhin gshegs pa'i snying po ston par mi 'gyur ro/ /'jam dpal 'di lta ste dper na/ sog bur gyi phung po'i nang du me bcug na/ sog ma'i phung po'i dbus tshig
iiif viewer powered by OpenSeadragon
Texts on this page
D213 - 'phags pa sor mo'i phreng ba la phan pa zhes bya ba theg pa chen po'i mdo