| e-texts navigator |
| བོད་ཡིག |
199b1 rgyas kyis sprul pa'o/ /dam pa'i chos nub par 'gyur ba'i dus na de lta bu byung na chos nub par 'gyur ro/ /'jam dpal de bzhin du bdag gi de kho na ni 'di 'dra de 'dra'o zhes log par lta ba bzhin du 'di lta ste/ thar pa dang bdag dang 'jig rten las 'das pa la ldem
199b2 po ngag mi shes pas bdag med pa sangs rgyas kyi tshig go zhes mur 'dug byung ba ltar rnam par rtog go/ /rjes su dpag pas tshugs pa'i 'jig rten pa la yang gti mug gi chos kyi dbang du song ngo / /'jig rten las 'das pa la yang ldem po ngag tu bshad pa mi
199b3 shes pas shes pa nyams te/ de'i phyir phyogs gnyis spangs te/ bdag tu gtogs pa'i chos kyi de kho na nyid dang / de bzhin gshegs pa dang / dge 'dun gyi de bzhin nyid ni de bzhin gshegs pa'i theg pa dbu ma'i lam du bstan to/ /dbu ma'i lam zhes bya
199b4 ba ni theg pa chen po'i so/ /sor mo'i phreng bas smras pa/ dbu ma'i lam mi shes pas sems can rnams dbu ma'i lam gzhan du rtog go/ /bcom ldan 'das kyis bka' stsal pa/ sor mo'i phreng ba mdo sde 'di bshad pa thos nas sems can mang
199b5 du mdo sde 'di la yid ches par 'gyur ro/ /ma 'ongs pa'i dus na sems can mang du mdo sde 'di la smod par 'gyur ro/ /sor mo'i phreng bas gsol pa/ bcom ldan 'das phyogs gang du mdo sde la smod pa ji snyed 'byung ba dang / 'dod chen pa ji snyed 'byung
199b6 ba bshad du gsol/ phyogs gang du sems can thams cad la phan par 'gyur ba ston pa yang de bzhin gshegs pas bshad du gsol/ bcom ldan 'das kyis bka' stsal pa/ ma 'ongs pa'i dus na yul gyi dbus 'dir mdo sde la smod pa'i sems can bye ba
199b7 brgya stong phrag dgu bcu rtsa brgyad 'byung ngo / /'dod chen pa bye ba phrag bdun 'byung ngo / /shar phyogs su mdo sde la smod pa stong phrag dgu bcu rtsa brgyad 'byung ngo / /'dod chen pa bye ba phrag bdun 'byung ngo / /lho phyogs su mdo sde la smod pa stong phrag dgu
iiif viewer powered by OpenSeadragon
Texts on this page
D213 - 'phags pa sor mo'i phreng ba la phan pa zhes bya ba theg pa chen po'i mdo