| e-texts navigator |
| བོད་ཡིག |
115a1 rgyal mtshan dang / ba dan dag gis mchod pa bgyid pa lta smos kyang ci 'tshal te/ seng ge'i sgra bsgrags pa'i mdo sde 'di sems can gang gi rna bar thos par 'gyur ba de ni bcom ldan 'das sangs rgyas thams cad kyis byin gyis brlabs pa lags so/ /de nas bcom
115a2 ldan 'das kyis byang chub sems dpa' de dag la legs so bya ba gnang ste/ rigs kyi bu ji skad smras pa de bzhin te/ legs so legs so/ /gang de bzhin gshegs pa'i yang dag pa'i seng ge'i sgra 'di thos nas rab tu dang ba'i sems kyis legs so zhes bya ba 'ga' zhig rjes su
115a3 'bul na yang rigs kyi bu'am/ rigs kyi bu mo de dge ba'i rtsa ba ngan ngon dang ldan pa ma yin te/ de dag ngas yongs su bzung ba yin no/ /byang chub sems dpa' sems dpa' chen po byams pas kyang 'gron du gnyer bar byed do/ /de dag gis nga yi byang chub phrag pa la khyer ba yin
115a4 no/ /gang snyigs ma lnga dag la bab pa'i tshe mdo sde 'di la mos pa'i sems can de dag ni ngas yongs su smin par byas pa yin te/ tshe rabs gzhan du yang mi pham pas yongs su 'dzin par 'gyur ro/ /de'i skye ba'i rgya mtsho bskams pa yin no/ /bdud pham par byas pa yin no/ /nyon
115a5 mongs pa rnams bsal ba yin no/ /chos kyi rnga shin tu brdungs pa yin no/ /srid pa gsum rnam par bzlog pa yin no/ /phyir rgol ba rnams las nges par rgyal ba yin no/ /nyon mongs pa'i tshogs bcom pa yin no/ /rigs kyi bu'am/ rigs kyi bu mo gang la la zhig gis stong
115a6 gsum gyi stong chen po'i 'jig rten gyi khams grangs med pa phrag bcu'i rdul phra rab kyi rdul snyed kyi bskal par de bzhin gshegs pa thams cad la bde ba'i yo byad thams cad kyis bsnyen bkur byed kyang / de bzhin gshegs pa'i sngon gyi rnam par 'phrul pa 'di thos nas dad par mi byed na
115a7 de nyes pa che ba yin no/ /de bzhin gshegs pa'i bkas rigs kyi bu de de bzhin gshegs pa la rim gror bya bas rim gror byed pa dang / rigs kyi bu'am rigs kyi bu mo gang gzhan zhig gis de bzhin gshegs pas yang dag par bstan pa 'di thos nas dad cing sems rab tu dang bas
iiif viewer powered by OpenSeadragon
Texts on this page
D209 - 'phags pa seng ge'i sgra bsgrags pa zhes bya ba theg pa chen po'i mdo