rKTs

e-texts navigator

Volume

Page

114b₁ pa de ltar brtag pa dang / de ltar dad pa dang / yid ches par gyis shig /de nas sa bcu la gnas pa dang / lha dang klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po la sogs pa dang / mi dang mi ma yin pa'i 'khor
114b₂ thams cad stan las langs te thal mo sbyar nas tshig 'thun par 'di skad ces gsol to/ /bcom ldan 'das yang dag pa'i don bstan pa bshad du gsol/ bde bar gshegs pa bshad du gsol/ sangs rgyas kyi mthus som nyi mi bgyi zhing the tsom mi bgyi'o/ /de nas bcom
114b₃ ldan 'das kyis thams cad dang ldan pa'i 'khor la lan gnyis lan gsum du gzigs nas 'di skad ces bka' stsal to/ rigs kyi bu dag skye bo mang po la phan pa dang / skye bo mang po la bde ba'i phyir seng ge'i sgras bshad par bya'o/ /rigs kyi bu gang 'jig rten gyi khams mi
114b₄ mjed na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te/ 'tsho zhing gzhes la chos kyang ston to/ /rigs kyi bu de ni de bzhin gshegs pa chos 'phags nga nyid yin te/ 'jig rten gyi khams mi mjed der sgrub pa
114b₅ rnam pa sna tshogs kyis sems can rnams la chos ston pa mdzad do/ /de nas thams cad dang ldan pa'i 'khor ngo mtshar du gyur cing rmad du gyur pa de dag gis bcom ldan 'das la legs so zhes bya ba gsol te/ bcom ldan 'das de ltar sems can thams cad la seng ge'i sgra bsgrags pa
114b₆ legs lags so/ /legs lags so/ /bcom ldan 'das ji ltar 'khor 'dir seng ge'i sgra bsgrags pa'i bcom ldan 'das kyi seng ge'i sgra 'di thos par 'gyur zhing thos nas kyang yid ches par 'gyur ba'i sems can gang lags pa de dag kyang / bcom ldan 'das dge ba'i
114b₇ rtsa ba ngan ngon dang ldan pa ma lags na gang 'dzin pa dang / 'chang ba dang / klog pa dang / gzhan dag la yang rgya cher yang dag par rab tu ston pa dang / mdo sde 'di la me tog dang / bdug spos dang / phreng ba dang / byug pa dang / phye ma dang / na bza' dang / gdugs dang /

_{iiif viewer powered by OpenSeadragon}

114a - 115a

Texts on this page