rKTs

e-texts navigator

Volume

Page

113a₁ gis sngon 'od zer gyi snang ba 'di lta bu nams kyang ma mthong lags so/ /de bzhin gshegs pa des bka' stsal pa/ 'od phreng phyogs 'dir de bzhin gshegs pa'i 'od zer gyi snang ba 'di lta bu chung ngu zhig mdzad de/ mtshan ma snang ba de dag ni rgyu med pa ma
113a₂ yin/ byed rgyu med pa ma yin no/ /'od phreng khyod de'i phyir legs par rab tu nyon la yid la zung shig dang / ngas khyod la bshad do/ /don gang gi phyir ngas 'dzum pa mdzad pa thos nas kyang rigs kyi bu khyod kyis skrag par mi bya/ dngang bar mi bya/ dngang bar 'gyur bar mi bya/
113a₃ som nyir mi bya/ the tsom du mi bya'o/ /de ci'i phyir zhe na/ sangs rgyas bcom ldan 'das rnams kyi yul ni bsam gyis mi khyab bo/ /smon lam ni bsam gyis mi khyab bo/ /rnam par 'phrul pa ni bsam gyis mi khyab bo/ /don de dag yang dag par mthong nas the tsom ma byed cig /
113a₄ 'od phreng gang 'di ltar de bzhin gshegs pa shAkya thub pas nga'i drung du byang chub sems dpa' rnam par rgyal ba'i phung po btang ba 'di khyod kyis mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /rigs kyi bu byang chub
113a₅ sems dpa' rnam par rgyal ba'i phung po 'di la ngas khyod ga las 'ongs zhes de skad dris na/ de cang mi smra bar kha rog 'dug ste/ rigs kyi bu ngas don gyi dbang 'di mthong nas 'dir 'dzum pa mdzad do/ /de bzhin gshegs pas rmas pa'i lan de ci'i phyir 'dis ma gsol snyam
113a₆ du 'khor 'di dag thams cad the tsom du gyur to/ /rigs kyi bu ngas rmas pa'i lan skyes bu dam pa 'dis ci'i phyir ma gsol ce na/ 'ong ba dang 'gro ba med pa'i chos rnams la/ bcom ldan 'das bdag la khyod ga las 'ongs zhes 'ong ba rmed par mdzad do snyam mo/ /chos thams cad
113a₇ brjod du ma mchis par yang glo bar chud na/ bcom ldan 'das ga las 'ongs zhes byung ba'i gnas la bdag gis gsol bar spro ba ma mchis so snyam du sems te/ rigs kyi bu mdor na rigs kyi bu 'dis chos thams cad bstan te/ yang dag pa'i chos ston pa yin no/ /rigs kyi

_{iiif viewer powered by OpenSeadragon}

112b - 113b

Texts on this page