rKTs

e-texts navigator

Volume

Page

112b₁ zhig gu snyam mo/ /de nas bcom ldan 'das kyis der seng ge bsgyings pa lta bus phyogs bcur gzigs nas 'khor thams cad the tsom du gyur pa thugs su chud nas 'dzum pa mdzad do/ /bcom ldan 'das de bzhin gshegs pa chos 'phags de 'dzum pa mdzad pa'i 'od kyi snang ba gser gyi
112b₂ kha dog lta bu'i 'od zer brgya stong phrag du mas phyogs bcu snang bar mdzad do/ /de nas skad cig de nyid la sa chen po g.yos par gyur to/ /phyogs bcu nas kyang byang chub sems dpa' gzugs dang / kha dog dang / tshul du ma 'chang ba dag bcom ldan 'das kyi cho 'phrul chen po de mthong
112b₃ nas 'jig rten gyi khams der thams cad 'dus te/ bcom ldan 'das de'i zhabs la mgo bos phyag 'tshal nas rang rang gi dge bas bsgrubs pas 'dug ste/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ ngo mtshar du gyur
112b₄ pa dang / rmad du gyur pas 'dzum dmul nas bcom ldan 'das la 'di skad ces gsol to/ /bcom ldan 'das bdag cag gis 'od zer gyi cho 'phrul du ma dag mthong lags te/ bcom ldan 'das bdag cag gis 'od zer gyi snang ba 'di lta bu dag sngon nam yang ma mthong lags so/ /
112b₅ bcom ldan 'das 'di'i don de ni legs pa lags te/ gang bcom ldan 'das kyis 'dzum pa de lta bu mdzad pa'i don de bdag cag la thugs brtse bar dgongs te lung bstan du gsol/ de nas byang chub sems dpa' 'od phreng gis bcom ldan 'das la tshigs su bcad de gsol pa/
112b₆ rnam 'dren gang zag mchog ste thugs rje can/ /rgyu ma mchis par 'dzum pa mi mdzad na/ /bdag dang 'jig rten snang mdzad thugs rje can/ /'dzum mdzad rgyu dang mdzad rgyu nges par gsungs/ /de nas bcom ldan 'das de bzhin gshegs pa chos 'phags 'dzam bu chu bo'i
112b₇ gser ltar snang zhing 'od zer bye ba khrag khrig brgya stong phrag du ma rab tu 'gyed pa/ sku'i gzugs dang mdog gzi brjid kyis 'bar ba de la byang chub sems dpa' 'od phreng gis 'di skad ces gsol to/ /bcom ldan 'das bdag gis cho 'phrul mang po mthong lags te/ bdag

_{iiif viewer powered by OpenSeadragon}

112a - 113a

Texts on this page