| e-texts navigator |
| བོད་ཡིག |
112a1 bod skad du/ 'phags pa seng ge'i sgra bsgrags pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das nyi zla'i gnas rnam par rgyal byed kyi khang
112a2 nang na dge slong gi dge 'dun chen po dang dgra bcom pa bye ba khrag khrig brgya stong phrag dgu bcu rtsa dgu dang thabs cig tu bzhugs so/ /de'i tshe bcom ldan 'das kyis byang chub sems dpa' rnam par rgyal ba'i phung po la bka' stsal pa/ rnam par rgyal ba'i phung po khyod sangs
112a3 rgyas kyi zhing 'di nas byang phyogs logs na gang gA'i klung drug cu'i bye ma snyed kyi sangs rgyas kyi zhing rdul phra rab snyed 'das pa na 'jig rten gyi khams mngon par dga' ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas chos 'phags
112a4 zhes bya ba da ltar bzhugs te/ 'tsho zhing gzhes la chos kyang ston to/ /de bzhin gshegs pa de la blta ba dang / phyag bya ba dang / bsnyen bkur bya ba dang / mchod pa bya ba'i phyir song shig /de nas byang chub sems dpa' rnam par rgyal ba'i phung po 'jig rten gyi khams der song nas/
112a5 bcom ldan 'das chos 'phags de'i zhabs la phyag 'tshal te lan bdun bskor ba byas nas phyogs gcig tu 'dug go/ /byang chub sems dpa' rnam par rgyal ba'i phung po phyogs gcig tu 'dug pa dang / de nas bcom ldan 'das de bzhin gshegs pa chos 'phags des byang chub sems
112a6 dpa' de la 'di skad ces bka' stsal to/ /rigs kyi bu khyod ga las 'dir 'ongs/ de nas byang chub sems dpa' rnam par rgyal ba'i phung po bcom ldan 'das kyis bka' stsal pa de la cang mi smra bar kha rog 'dug go/ /de'i tshe der 'khor 'dus pa gang lha dang / klu dang / gnod sbyin
112a7 dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa de dag 'di snyam du sems te/ ci'i phyir byang chub sems dpa' rnam par rgyal ba'i phung po 'di 'jig rten gsum gyi bla mas bka' stsal pa la lan mi gsol bar kha rog 'dug
iiif viewer powered by OpenSeadragon
Texts on this page
D209 - 'phags pa seng ge'i sgra bsgrags pa zhes bya ba theg pa chen po'i mdo