rKTs

e-texts navigator

Volume

Page

107b₁ med par re bar bya'o/ /slar rgol ba tshar gcod par re bar bya'o/ /kun tu snang ba'i ting nge 'dzin kyang thob par re bar bya'o/ /chos kyi rnam grangs 'di rtogs par byed pa'i tshe las kyi sgrib pa thams cad byang bar re bar bya'o/ /chos kyi rnam grangs 'di 'chad pa na yang chos kyi sgo brgya stong du ma
107b₂ thob par re bar bya'o/ /byang chub kyi sems mi brjed pa dang / mtha' yas 'khyil ba'i gzungs thob par yang re bar bya'o/ /chos kyi rnam grangs 'di yid la byed pa na yang bdud kyis bskor ba med par re bar bya'o/ /sangs rgyas mngon du bzhugs par yang skye bar re bar bya'o/ /smon
107b₃ lam thams cad grub par yang re bar bya'o/ /srog chags kyi rigs rkang pa med pa dang / rkang gnyis pa dang / rkang bzhi pa dang / rkang pa mang po dug can rnams las bsrungs par re bar bya'o/ /de la mi'i rgyal po 'khrugs pa'i 'jigs pa med par re bar bya ste/ 'jam dpal
107b₄ gang sems la the tshom med pa dang / nem nur med par chos kyi rnam grangs 'di 'dzin par byed/ 'chang bar byed/ klog par byed/ kun chub par byed/ gzhan la yang rgyas par yang dag par ston pa'i chos smra ba de la yon tan bsngags pa nyi shu po 'di rnams yod par re bar
107b₅ bya'o/ /de nas bcom ldan 'das la 'jam dpal gzhon nur gyur pas 'di skad gsol to/ /bcom ldan 'das 'di lta ste/ dper na sman gyi shing thams cad ni sems can rnams kyi nad thams cad zhi bar bgyid do/ /de bzhin du chos kyi rnam grangs 'di yang nad thams cad rab tu zhi
107b₆ bar bgyid par blta bar bgyi'o/ /bcom ldan 'das kyis bka' stsal pa/ de de bzhin no/ /'jam dpal de de bzhin te/ khyod kyis tshig 'di legs par smras so/ /chos kyi rnam grangs 'di nad thams cad rab tu zhi bar byed pa'o/ /de ci'i phyir zhe na/ 'jam dpal sngon 'das
107b₇ pa'i dus bskal pa grangs med cing shin tu grangs med pa de'i tshe de'i dus na/ gang de bzhin gshegs pa dgra bcom pa yang dag par rdzogs pa'i sangs rgyas seng ge'i stabs su 'gro ba zhes bya ba zhig 'jig rten du byung bar gyur te/ des srog chags stong phrag du ma rnams la rgyang ring po nas

_{iiif viewer powered by OpenSeadragon}

107a - 108a

Texts on this page