rKTs

e-texts navigator

Volume

Page

107a₁ khrims mchog / chos rnams tha dad bya ba med/ /khyad par med cing mtshan med par/ /gang gis mthong zhing shes pa dag /de dag nga yi bstan pa 'dzin/ /gang gis sems ni nam mkha' ltar/ /ma chags bzhin du phyogs su 'gro/ de ltar ye shes chags
107a₂ med pa/ /de yi dge sbyong yang dag nyid/ /gang gis ma brtags shing / /thams cad du yang sems pa med/ /sems can med cing chos med pa/ /de dag byang chub rnyed mi dka'/ /'dod chags mtha' la gang mi gnas/ /'dod chags dang yang bral ma gyur/ /'dod chags
107a₃ las kyang rgyal mi byed/ /de ni byang chub mi dkon no/ /gang dag bskal par mi skyo zhing / /mthas kyang 'jig par mi 'gyur la/ /'khor bas skrag par mi 'gyur ba/ des ni byang chub rnyed mi dka'/ /de nas bcom ldan 'das kyis tshigs su bcad pa 'di dag gsungs nas 'jam
107a₄ dpal gzhon nur gyur pa la 'di skad ces bka' stsal to/ /'jam dpal gang chos kyi rnam grangs 'di la mos par byed/ the tsom du mi byed/ nem nur du mi byed/ lung sbyin par byed/ 'dzin par byed/ klog par byed/ kun chub par byed/ gzhan la yang rgya cher yang
107a₅ dag par ston pa de'i phan yon bsngags pa nyi shu yod par re bar bya'o/ /nyi shu gang zhe na/ lhas bsrungs par 'gyur/ klus bsrungs par 'gyur/ gnod sbyin gyis bsrungs par 'gyur/ sems g.yengs par mi 'gyur/ tshe brjes nas kyang tshe rabs dran par 'gyur/ mngon par
107a₆ shes pa lnga thob par 'gyur/ tshe brjes ma thag tu byang chub sems dpa' byams pa mthong bar 'gyur/ de ste chos kyi rnam grangs 'di sems mi g.yeng bar yid la byed cing gnyid kyi snyom pa sel na/ de'i rmi lam du sangs rgyas mthong bar 'gyur te/ byang chub sems dpa' mthong
107a₇ ba yang re bar bya'o/ /de chos kyi rnam grangs 'di la mos na rjes su 'thun pa'i chos rnams la bzod pa re bar bya'o/ /chos kyi rnam grangs 'di sems na tshe 'di nyid la gnod sems med par re bar bya'o/ /dug myur ba'i nang na 'dug na yang chos kyi rnam grangs 'di yid la byed na 'jigs pa

_{iiif viewer powered by OpenSeadragon}

106b - 107b

Texts on this page