rKTs

e-texts navigator

Volume

Page

106a₁ kyis ni mtho ris bstan/ /gang na mi dmigs pa/ /de ni byang chub bla med do/ /byis pa dmigs par gnas pa dag /mi skye 'dus ma byas pa yi/ /bzod pa bdag gis thob po zhes/ /mi mkhas pa dag rtog par byed/ /chos rnams skye ba med pa la/ /gang
106a₂ dag skye bar sems pa ni/ /bskal pa bye ba stong du yang / /de yi bzod pa rnyed par dka'/ /chos rnams ming gis lung bstan te/ /chos rnams la ni byed pa med/ /rtsa ba med cing gnas med de/ /thams cad nam mkha'i mtshan nyid do/ /sangs rgyas bye ba mang po yis/ /'dod chags
106a₃ zhe sdang spang ba'i phyir/ /chos mchog dag kyang bshad mod kyi/ /chos rnams zad pa'ang yong med do/ /gal te chos de yang dag na/ /thams cad yang dag zad par 'gyur/ /gang phyir de dag yang dag min/ /de bas mtha' ni mi rnyed do/ /'dod chags zhe sdang mtha' yas te/ /gti mug
106a₄ gi ni mtha' yang med/ /gang dag gi ni mtha' med pa/ /de dag gi ni rtsa ba med/ /sa bon myu gu med na ni/ /'dab ma 'bras bu ga la 'byung / /'dab ma med pa gang yin pa/ /de la me tog yod ma yin/ /chos rnams skye ba med pa la/ /sems can sa bon mi rnyed do/ /sems can sa bon
106a₅ med pa'i phyir/ /skye med mya ngan 'da' ba med/ /ji ltar bud med mo sham dag /de la bu ni yod ma yin/ /de la bu ni yod min na/ /bu yi mya ngan byed pa med/ /chos rnams thams cad ma skyes par/ /de ltar rig cing mthong nas ni/ /'khor ba dag tu 'khor ba na/ /sdug bsngal 'jigs
106a₆ pa de la med/ /byis pa med pas rmongs pa dag /rmongs pas chos nyid mi shes te/ /nam mkha' khur du thogs byas te/ /mi mkhas pa dag skyo bar 'gyur/ /med cing mtha' yang med pa dang / /grangs med pa dang tshad med par/ /gang gis chos 'di shes pa ni/ /de dag la ni skyo ba med/ /
106a₇ ji ltar thog ma'i mtha' dag ni/ /med pa dag tu ngas bstan pa/ /de bzhin phyi ma'i mtha' dag dang / /dbus kyang mtshan nyid gcig pa yin/ /rtog pa'i mtha' ni mtha' med de/ /mtha' ni gsob dang med pa yin/ /don rnams de ltar shes byas na/ /dngos po gnyis su mi 'gyur ro/ /

_{iiif viewer powered by OpenSeadragon}

105b - 106b

Texts on this page