rKTs

e-texts navigator

Volume

Page

105a₁ smra'o zhes de skad zer/ de dag gis smras pa/ tshe dang ldan pa shA ri'i bu deng phan chad bdag cag gis gang na 'dul ba yang med/ gsung ba yang med/ 'dul ba ma yin pa yang med cing chos thams cad shin tu dul bar yongs su shes te/ de'i phyir bdag cag deng phan
105a₂ chad 'dul ba ma yin par smra'o/ /de nas dge slong de dag gi lhag pa'i nga rgyal bstan pa 'di lta bu thos nas dge slong sum stong drug brgya rnams nye bar len pa med par zag pa las sems rab tu rnam par grol lo/ /de nas bcom ldan 'das kyis dge slong de dag la legs so zhes bya ba byin
105a₃ te/ dge slong dag gang na chos gang yang rtogs pa med pa de ni yang dag pa thob pa yin gyis legs so legs so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das rtogs pa rtogs pa zhes bgyi ba'i rtogs pa de chos gang gi tshig
105a₄ lags/ bcom ldan 'das kyis bka' stsal pa/ 'jam dpal rtogs pa rtogs pa zhes bya ba de ni skye ba med pa'i chos la bzod pa'i tshig so/ /gsol pa/ skye ba ma mchis pa'i chos la bzod pa thob par 'tshal ba'i byang chub sems dpas ji ltar bslab par bgyi/
105a₅ ji ltar spyad par bgyi/ ji ltar rnal 'byor du 'jug par bgyi/ de nas bcom ldan 'das kyis 'jam dpal gzhon nur gyur pa mi skye ba'i chos la bzod pa bslab pa shes par bya ba'i phyir de'i tshe tshigs su bcad pa 'di dag gsungs so/ /thams cad mkhyen pa bla med pa'i/ /sangs rgyas
105a₆ ye shes thob 'dod pas/ /chos rnams gang yang mi gzung zhing / /chos rnams gang yang mi 'dor ro/ /gang zhig skye bar 'gyur ba yi/ /chos ni gang yang mi rnyed de/ /chos rnams 'byung ba med pa la/ /byis pa dag ni 'byung bar 'dod/ /chos rnams shes par bya ba dang / /spang bar bya
105a₇ bar srog chags 'chad/ /byis pa skye ba'i spyod yul can/ /skye ba med la dad mi 'gyur/ /byang chub lam ni dam pa dang / /lam gyi chos rnams btang byas te/ /byis pa gnyis la chags pa ste/ /gnyis su med pa mi shes so/ /sgyu ma sna tshogs gyur pa la/ /byis pa rnams kyis tha dad

_{iiif viewer powered by OpenSeadragon}

104b - 105b

Texts on this page