rKTs

e-texts navigator

Volume

Page

104a₁ shes pa dang / ji tsam du sems kyi sbyor ba dang / spyod pa dang / shes pa dang / g.yo ba dang / spros pa de dag thams cad med pa'o/ /shA ri'i bu de bas na tshul de lta bur yang dag pa ma yin par 'dzin pa de dag las yongs su grol ba de dag ni shes pa'o/ /shA ri'i bu rnam
104a₂ grangs des gang gis 'du shes med pa yongs su rdzogs par byas pa de dag myur du mi skye ba'i chos la bzod pa thob par 'gyur ro/ /dgongs te gsungs pa'i bstan pa 'di bstan pa'i tshe/ byang chub sems dpa' bzhi khri nyis stong gis mi skye ba'i chos la bzod pa thob par gyur to/ /dge bsnyen
104a₃ drug stong gis bla na med pa yang dag par rdzogs pa'i byang chub tu sems bskyed do/ /lha'i bu sum khri drug stong rnams kyis ye shes mngon par rtogs par gyur to/ /dge slong lhag pa'i nga rgyal can drug cu po de dag rnams kyang nye bar len pa med par zag pa rnams las sems rnam par grol lo/ /
104a₄ de dag sems rnam par grol nas mgrin gcig tu tshig smras pa/ bcom ldan 'das bdag cag ni deng slan chad ston pa drug rnams kyi rjes su rab tu byung ngo / /deng slan cad bdag cag gi ston pa sangs rgyas ma lags/ chos la mi rten/ dge 'dun la mi rten to/ /deng slan chad bdag cag
104a₅ bya ba ma mchis par smra ba/ rgyu ma mchis par smra ba/ las ma mchis par smra ba/ rnam par smin pa ma mchis par smra ba/ 'dul ba ma lags par smra ba'o/ /de'i tshe 'khor de na srog chags stong phrag mang po rnams 'di snyam du gyur te/ 'di ltar dge slong 'di dag 'di lta bu yang dag pa ma
104a₆ yin pa'i tshig smra ba las na/ bcom ldan 'das kyi bslab pa phul nas mu stegs can gyi mtshan ma 'dzin par mi 'gyur ram snyam du gyur to/ /de nas tshe dang ldan pa shA ri'i bu'i sems kyis 'khor de dag gi sems kyi rtog pa shes nas dge slong de dag la smras pa/ tshe dang ldan pa dag ci las
104a₇ bsams te/ deng phan chad bdag cag ston pa drug gi rjes su rab tu byung ngo zhes de skad smra/ de dag gis smras pa/ tshe dang ldan pa shA ri'i bu deng phan chad bdag cag gi ston pa thams cad ston pa drug dang mnyam zhing mtshan nyid gcig cing bye brag med par rnam par rig go/ /bdag cag

_{iiif viewer powered by OpenSeadragon}

103b - 104b

Texts on this page