| e-texts navigator |
| བོད་ཡིག |
103b1 lags/ bcom ldan 'das kyis bka' stsal pa/ shA ri'i bu de ji snyam du sems/ gang chos rnams kyi ngo bo nyid shes pa de yod dam/ 'on te med/ gsol pa/ bcom ldan 'das gang chos thams cad kyi ngo bo nyid 'tshal ba de sgyu ma'i ngo bo nyid 'tshal ba lags te/ bcom ldan 'das de ni ma mchis
103b2 pa lags te/ mchis pa ma lags so/ /de ci'i slad du zhe na/ bcom ldan 'das chos thams cad ni bcom ldan 'das kyis sgyu ma'i ngo bo nyid du bstan to/ /sgyu ma lta bu gang lags pa de yang ma mchis pa'o/ /gang chos thams cad kyi ngo bo nyid 'tshal ba 'di ni 'du shes ma mchis pa'o/ /de ci'i
103b3 slad du zhe na/ 'di la gang yang dag par gyur pa'i chos gang yang mi dmigs so/ /bcom ldan 'das kyis bka' stsal pa/ shA ri'i bu legs so/ /legs so/ /de de bzhin te/ shA ri'i bu 'di la chos 'ga' zhig rdzas sam/ yang dag par yod par gyur na sems can rnams phyis kyang mya ngan
103b4 las 'da' bar mi 'gyur ro/ /shA ri'i bu gang gi phyir chos thams cad yang dag pa ma yin/ yod pa ma yin/ rdzas ma yin pa de'i phyir sems can gang gA'i klung gi bye ma snyed mya ngan las bzlas kyang sems can med pa'i phyir sems can rnams las gang yang zad par mi mngon no/ /shA ri'i bu de lta
103b5 bas na gang sems can thams cad med pa'i 'du shes dang / de dag kyang mi dmigs pa 'di ni 'du shes med pa yongs su rdzogs pa'o/ /shA ri'i bu rnam grangs des gang dag la byin pa rnam par smin pa med pa de dag gis 'du shes med pa yongs su rdzogs par byas pa yin no/ /gsol pa/ bcom
103b6 ldan 'das ji ltar na gang dag gis 'du shes med pa yongs su rdzogs par bgyis pa'i 'du shes des myur du mi skye ba'i chos la bzod pa thob par 'gyur/ bcom ldan 'das kyis bka' stsal pa/ shA ri'i bu gang gis med pa mngon sum du byas pa de dag ni shes pa'o/ /med pa yang gang zhe na/ med
103b7 pa zhes bya ba ni bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba'o/ /med pa zhes bya ba ni sangs rgyas su 'du shes pa dang / chos su 'du shes pa dang / dge 'dun du 'du shes pa dang / mya ngan las 'da' bar 'du
iiif viewer powered by OpenSeadragon
Texts on this page
D207 - glang po'i rtsal zhes bya ba theg pa chen po'i mdo