rKTs

e-texts navigator

Volume

Page

103a₁ do/ /'di lta ste/ dper na nas 'dod pa dag 'di ni nas kyi sa bon de'i 'bras bu ma yin/ 'di ni nas kyi sa bon de'i snyi ma ma yin no snyam nas sre das mgu bar mi 'gyur zhing / rtswa dang / sngos rangs par mi 'gyur ba de bzhin du 'dus ma byas pa'i zhing la sbyin pa byin pa 'dus byas
103a₂ kyi 'bras bu yin par bstan par mi bya'o/ /shA ri'i bu rnam grangs des gang yang dag par zhugs pa de dag la byin pa 'bras bu che ba ma yin/ phan yon che ba ma yin no/ /gsol pa/ bcom ldan 'das gang dag la stsal na 'bras bu che ba ma lags shing sman yon che ba ma lags pa de dag
103a₃ ji ltar 'jig rten gyi sbyin gnas lags/ bcom ldan 'das kyis bka' stsal pa/ shA ri'i bu gang 'bras bu che bar 'du shes pa yang ma yin/ 'bras bu chung bar 'du shes pa yang ma yin pa de dag sbyin pa skye bar mi 'gyur ro/ /gang sbyin pa skye bar mi 'gyur ba de dag ni lha dang bcas pa'i
103a₄ 'jig rten gyi sbyin gnas su 'gyur ro/ /shA ri'i bu de la zad mi shes pa'i zhing la sbyin pa byin pa ni me tog kyang mi chags/ 'bras bur yang mi 'gyur ro/ /shA ri'i bu rnam grangs 'dis gang la byin na 'bras bu che ba yang ma yin/ phan yon che ba yang ma yin pa de dag 'jig rten gyi sbyin gnas
103a₅ yin no/ /gsol pa/ bcom ldan 'das ji ltar na gang 'jig rten gyi sbyin gnas de dag la byin pa rnam par smin pa ma mchis pa lags/ bcom ldan 'das kyis bka' stsal pa shA ri'i bu de ji snyam du sems/ sbyin pa gang mya ngan las 'da' ba'i mthar thug par 'gyur ba de rnam par smin pa'i chos
103a₆ can yin nam/ gsol pa/ bcom ldan 'das ma lags so/ /bcom ldan 'das sbyin pa mya ngan las 'das pa'i mthar thug pa de de ste sbyin pa'i chos can lags na/ 'phags pa'i gang zag rnams 'dus ma byas pas rab tu phye bar mi 'gyur ro/ /bcom ldan 'das kyis bka' stsal pa/ shA ri'i bu
103a₇ legs so/ /legs so/ /rnam grangs 'dis gang 'jig rten gyi sbyin gnas yin pa de dag la byin pa rnam par smin pa med pa yin no/ /gsol pa/ bcom ldan 'das ji ltar na gang sbyin pa'i rnam par smin pa ma mchis pa de dag gis 'du shes ma mchis pa yongs su rdzogs par bgyis pa

_{iiif viewer powered by OpenSeadragon}

102b - 103b

Texts on this page