| e-texts navigator |
| བོད་ཡིག |
102b1 phan yon che ba ma lags/ bcom ldan 'das kyis bka' stsal pa/ shA ri'i bu gang tshul 'di lta bus yang dag par zhugs pa dang ldan par gyur pa de dag la sbyin pa ni mya ngan las 'da' ba la gzhol/ mya ngan las 'da' ba la 'bab/ mya ngan las 'da' ba la bab/ mya ngan las 'da' ba'i mthar
102b2 thug par 'gyur te/ mya ngan las 'da' ba yang 'bras bu chung ba yang ma yin/ 'bras bu che ba yang ma yin/ phan yon chung ba yang ma yin/ phan yon che ba yang ma yin no/ /de ci'i phyir zhe na/ mya ngan las 'das pa ni 'bras bu thams cad dang bral zhing btags pa ma yin/ gdags par bya
102b3 ba ma yin pa'i phyir ro/ /gsol pa/ bcom ldan 'das 'o na de bzhin gshegs pas mya ngan las 'das pa/ gdags su ma mchis pa la ji ltar yon tan mtha' yas pa'i sman yon gyi bye brag bstan/ bcom ldan 'das kyis bka' stsal pa/ shA ri'i bu skye ba'i spyod yul can gyi
102b4 sems can bdag dang / sems can dang / srog dang / gang zag tu smra ba rnams mos pa bskyed pa'i phyir mya ngan las 'das pa gdags su med pa la yang de bzhin gshegs pas yon tan mtha' yas pa'i phan yon gyi bye brag bstan to/ /shA ri'i bu 'on kyang 'phags pa rnams ni sbyin pa
102b5 la 'jug par mi blta'i/ 'phags pa rnams 'dod chags dang bral ba dang / sbyin pa las ldog par blta'o/ /shA ri'i bu 'di lta ste/ dper na zhing pa dag zhing la nas kyi sa bon btab ste/ de'i nas de nyid la brten nas sre da dang / rtswa dang / sngo rnams skye na/ shA ri'i bu de ji
102b6 snyam du sems/ sre da dang rtswa dang / sngo 'di dag zhing pa de'i las byas pa'i 'bras bu yin nam/ gsol pa/ bcom ldan 'das ma lags so/ /bcom ldan 'das kyis bka' stsal pa/ shA ri'i bu 'di lta ste/ dper na zhing pas nas kyi sa bon btab pa de'i nas de dag nyid la brten
102b7 nas sred rnams 'byung ba dang / rtswa dang / sngo rnams skye bar 'gyur te/ nas kyi snyi ma gzhan rnams kyang 'byung ngo / /de bzhin du 'phags pa rnams la sbyin pa byin pa ni tshegs chung ngus longs spyod chen por 'gyur la/ gzhan yang zag pa zad pa sred pa'i 'bras bu thams cad skems par byed
iiif viewer powered by OpenSeadragon
Texts on this page
D207 - glang po'i rtsal zhes bya ba theg pa chen po'i mdo