rKTs

e-texts navigator

Volume

Page

102a₁ gis 'du byed thams cad par mthong ngo / /gang gis 'du byed thams cad par mthong ba de dag gis chos thams cad log par shes so/ /gang gis chos thams cad log par shes pa de dag thams cad de bzhin gshegs pas log par lta ba yongs su rdzogs pa
102a₂ yin par bstan to/ /de dag gis lta bar gyur pa thams cad log pa yin par yang shes te/ de'i phyir yang de dag log par lta ba zhes bya'o/ /shA ri'i bu rnam grangs des gang de bzhin gshegs pa lta bar 'dod pa de dag log par lta ba zhes bya'o/ /shA ri'i bu de dag ni de bzhin gshegs
102a₃ pa'i sku ma 'khrugs par lta ba'o/ /gang de bzhin gshegs pa'i sku log pa yin par rtog pa de dag ni de bzhin gshegs pa'i 'du shes med pa'o/ /shA ri'i bu gang 'di ltar log par shes pa de ni de bzhin gshegs pa mthong ba'o/ /gsol pa/ bcom ldan 'das ji ltar na gang log
102a₄ par lta ba de dag yang dag par zhugs pa lags/ bcom ldan 'das kyis bka' stsal pa/ shA ri'i bu gang so so'i skye bo rnams rtog pa dang / rnam par rtog pa dang / dpyod pa dang / rnam par dpyod pa dang / ldang bar byed pa dang / kun tu ldang bar byed pa dang / rten pa dang / gnas pa dang /
102a₅ len pa dang / 'dor ba dang / bdag dang / sems can dang / srog dang / gang zag tu lta ba nye bar len pa dang / bdag tu 'dzin pa la mngon par zhen pa dang / bdag gir 'dzin pa la chags pa de dag gi spyod pa dang / shes pa dang / g.yo ba dang / spros pa de lta bu dag de dag gis shes
102a₆ te/ de dag ji lta bur yod pa ma yin pa de lta bu nyid du shes so/ /shA ri'i bu med pa zhes bya ba de ni yang dag pa ma yin pa'i tshig so/ /yang dag pa ma yin pa zhes bya ba de ni pa'o/ /pa zhes bya ba de ni log pa'i tshig so/ /de ltar gang tshul 'di lta bu yang dag pa ma yin
102a₇ par 'dzin pa dag log par mthong ba de'i phyir de dag yang dag par zhugs pa zhes bya'o/ /shA ri'i bu rnam grangs de nyid kyis gang log par lta ba de dag yang dag par zhugs pa'o/ /gsol pa/ bcom ldan 'das ji ltar na gang yang dag par zhugs pa de dag la stsal na 'bras bu che ba ma lags/

_{iiif viewer powered by OpenSeadragon}

101b - 102b

Texts on this page