rKTs

e-texts navigator

Volume

Page

101b₁ pa shA ri'i bu chos bshad pa 'di bdag cag gis ma 'tshal to/ /des de dag la 'di skad ces smras so/ /tshe dang ldan pa dag de bzhin gshegs pa'i dgongs te bstan pa yin par shes par bya'o/ /de'i phyir bcom ldan 'das kyis ci las dgongs te/ de skad bstan pa de bzhin gshegs pa
101b₂ la zhu ba'i bar du re zhig sdod cig / de nas dge slong de dag tshe dang ldan pa shA ri'i bu'i tshig thos nas so so'i stan la slar 'khod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das dge slong 'di dag gi the tshom bsal ba'i slad du de bzhin
101b₃ gshegs pas ci las dgongs te 'di skad bstan pa bcom ldan 'das kyis bshad du gsol/ bcom ldan 'das kyis bka' stsal pa/ shA ri'i bu de ji snyam du sems/ dge slong gang nye bar len pa med par zag pa las sems rnam par grol ba de sgra gang gis kyang dngang ba dang / skrag pa dang /
101b₄ kun tu skrag par 'gyur ram/ gsol pa/ bcom ldan 'das ma lags so/ /dge slong bden pa mthong ba yang sgra thams cad kyis mi dngang / mi skrag /kun tu skrag par mi 'gyur na dge slong gang nye bar len pa ma mchis par zag pa las sems rnam par grol ba lta ci smos/ bcom
101b₅ ldan 'das kyis bka' stsal pa/ shA ri'i bu 'di la skyes bu blun po kha cig yang dag pa ma yin pa'i chos rnams brtags nas lhag pa'i nga rgyal can du gyur cing gnas so/ /shA ri'i bus gsol pa/ gang thos nas 'khor thams cad the tshom ma mchis par 'gyur ba'i tshig bshad pa de dag
101b₆ bcom ldan 'das kyis bka' stsal du gsol/ bcom ldan 'das kyis bka' stsal pa/ shA ri'i bu gang gis de bzhin gshegs pa rmi lam dang mtshungs/ sgyu ma dang mtshungs par mthong ba des yang dag par mthong ngo / /gang yang dag par mthong ba de dag de bzhin gshegs pa la yang dag
101b₇ par 'du shes mi byed/ snying por 'du shes dang / rdzas su 'du shes dang / dngos por 'du shes dang / ril por 'du shes mi byed/ gang de bzhin gshegs pa la yang dag par 'du shes pa ma yin/ snying po dang / rdzas dang / dngos po dang / ril por 'du shes pa ma yin pa de dag

_{iiif viewer powered by OpenSeadragon}

101a - 102a

Texts on this page