rKTs

e-texts navigator

Volume

Page

101a₁ ngo bo nyid de lta bu la gang de bzhin gshegs pa lta bar 'dod pa de dag ni log par lta ba'o/ /gang log par lta ba de dag ni yang dag par zhugs pa'o/ /gang yang dag par zhugs pa de dag la byin pa ni 'bras bu che ba ma yin/ phan yon che ba ma yin no/ /gang dag
101a₂ la byin na 'bras bu che ba ma yin/ phan yon che ba ma yin pa de dag ni 'jig rten gyi sbyin gnas so/ /gang 'jig rten gyi sbyin gnas yin pa de dag la sbyin pa'i rnam par smin pa med do/ /gang la sbyin pa'i rnam par smin pa med pa de dag gis 'du shes med pa yongs su rdzogs par byas so/ /
101a₃ gang gi 'du shes med pa yongs su rdzogs par byas pa de dag myur du mi skye ba'i chos la bzod pa thob par 'gyur ro/ /de nas 'khor de'i nang nas dge slong lhag pa'i nga rgyal can drug cu bstan pa 'di thos pa dang 'di snyam du gyur te/ mun nag gi lam du gyur la de bzhin gshegs pa yang
101a₄ mun nag gi lam du ston to/ /'di lta ste/ mu stegs can gzhan dag kyang de skad ston/ de bzhin gshegs pa yang de skad ston pas de bzhin gshegs pa dang / mu stegs can gzhan gang 'od srung dang / ma ska ri 'ga' ba ya la dang / mi dkar ba skra'i la ba can dang / kun
101a₅ rgyal 'be'i ra ti'i bu dang / dpon po kA t+yA ya na dang / gcer bu pa nye du'i bu rnams kyi tshig mtshungs so snyam mo/ /de nas bcom ldan 'das kyi thugs kyis dge slong lhag pa'i nga rgyal can de rnams kyi sems kyi rtog pa mkhyen nas 'jam dpal gzhon nur gyur pa la bka' stsal pa/
101a₆ 'jam dpal de de bzhin te/ gang ngas chos bshad pa 'di mu stegs can gzhan rnams dang mtshungs na/ mu stegs can gzhan rnams kyis ni de bzhin gshegs pas chos bshad pa mi shes so/ /de skad ces bka' stsal pa dang / dge slong lhag pa'i nga rgyal can rnams lhag par
101a₇ sdug bsngal/ mi dga'/ ma mgu/ ma rangs/ chos bshad pa 'di yang ma shes nas stan las langs te dong ngo / /de nas tshe dang ldan pa shA ri'i bus dge slong de dag la 'di skad ces smras so/ /tshe dang ldan pa khyed gar 'dong / de dag gis de la 'di skad ces smras so/ /btsun

_{iiif viewer powered by OpenSeadragon}

100b - 101b

Texts on this page