rKTs

e-texts navigator

Volume

Page

100a₁ kyang 'byin par bgyid la phan tshun 'dres par yang mi bgyid pa lags/ bcom ldan 'das kyis bka' stsal pa/ 'jam dpal 'di la byang chub sems dpa' mtha' yas par 'khyil pa zhes bya ba'i gzungs thob nas sems can gyi sems kyi bsam pa mtha' yas pa la
100a₂ 'jug cing sgra bshad pa mtha' yas pa rnams shes/ bdag gi tshul mtha' yas pa rnams kyang rab tu shes te/ de gzungs de thob pas sgra skad thams cad kyang 'byin la phan tshun 'dres par yang mi byed de/ 'jam dpal de ltar na byang chub sems dpa' sgra skad thams cad kyang 'byin la
100a₃ phan tshun 'dres par yang mi byed pa yin no/ /'jam dpal gyis gsol pa/ bcom ldan 'das byang chub sems dpa' rnams kyi thabs mkhas pa ni mngon par 'byung bar dka'o/ /bcom ldan 'das 'on kyang chos kyi rnam grangs 'di rtogs par 'tshal ba'i byang chub sems dpas chos kyi rnam
100a₄ grangs ji lta bur rtogs par bgyi/ bcom ldan 'das kyis bka' stsal pa/ 'jam dpal chos kyi rnam grangs 'di rtogs par 'dod pa'i byang chub sems dpas nam mkha'i tshul rtogs par bya'o/ /gsol pa/ bcom ldan 'das nam mkha'i tshul ji lta bu lags/ bcom ldan 'das
100a₅ kyis bka' stsal pa/ 'jam dpal 'di lta ste/ dper na nam mkha' ni chags pa ma yin/ zhe sdang ba ma yin/ rmongs pa ma yin no/ /de bzhin du chos thams cad kyang chags pa ma yin/ zhe sdang ba ma yin/ rmongs pa ma yin no/ /'di lta ste dper na/ nam mkha' ni sbyin pa phun
100a₆ sum tshogs pa ma yin pa nas shes rab kyi bar du phun sum tshogs pa ma yin no/ /de bzhin du chos thams cad kyang sbyin pa phun sum tshogs pa ma yin pa nas shes rab kyi bar du phun sum tshogs pa ma yin no/ /de 'di lta ste/ dper na nam mkha' ni yongs su shes par bya ba ma yin/ spang
100a₇ bar bya ba ma yin no/ /de bzhin du chos thams cad kyang yongs su shes par bya ba ma yin/ spang bar bya ba ma yin no/ /'di lta ste/ dper na nam mkha' ni bsgom par bya ba ma yin/ mngon du bya ba ma yin no/ /de bzhin du chos thams cad kyang bsgom par bya ba ma yin/ mngon du bya ba

_{iiif viewer powered by OpenSeadragon}

99b - 100b

Texts on this page